ბაჰამის ერთ-ერთ, დაუსახლებელ კუნძულზე სერიალ Lost-ის სცენარი განვითარდა, საზღვაო პატრულმა რიგითი შემოვლის დროს უკაცრიელ კუნძულზე გარიყული 3 ადამიანი გადაარჩინა, რომელთაც დაუსახლებელ ადგილზე ერთ თვეზე მეტი გაატარეს.

დაკარგულებს დეჰიდრატაციის და გამოფიტვის ნიშნები ჰქონდათ, თუმცა სერიოზული დაზიანებები არ აღენიშნებოდათ. ორმა კაცმა და ქალმა კუნძულზე თავის გადარჩენა ლოკოკინებისა და ვირთხების ჭამით შეძლეს. სამაშველო ოპერაციას, რომელიც ვერტმფრენით მიმდინარეობდა, 30 წუთი დასჭირდა.

ორშაბათს შემჩნეული ადამიანების იმავე დღეს გადარჩენა უამინდობის გამო ვერ მოხერხდა, სამაშველო ვერტმფრენმა მათ საკვები, წყალი და რადიომიმღები მიაწოდა. დაკარგულები, რომელთა უკაცრიელ კუნძულზე მოხვედრის გზა უცნობია, მეორე დღეს დაიხსნეს.