ძაღლების პატრონს ერთი რამ გვსურს — მათი ბედნიერება, თავისუფლება და კეთილდღეობა. თუმცა, ამ თავისუფლების მინიჭება ხანდახან რისკებთანაცაა დაკავშირებული იმიტომ, რომ გულუბრყვილო ოთხფეხა მეგობრები მათთვის სახიფათო სიტუაციებს წინასწარ ყოველთვის ვერ ამჩნევენ.

თუმცა, წინასწარ ნერვიულობა არც ღირს, თორემ ამას აუცილებლად შენიშნავს შენი ცუგა. იმისთვის, რომ მას სილაღე შეუნარჩუნო და შენც საფიქრალი მოიკლო, შეგიძლია შენი მეგობრის კეთილდღეობა დააზღვიო. ამისთვის კი მინიმუმ 10 მიზეზი გაქვს. აი ისინიც:

1. ინფექციები

შეიძლება, მეგობარ ძაღლთან თამაშისას რამე აიკიდა, თუმცა მათთან გართობას საყვარელ არსებას ვერ დავუშლით, იმის მიუხედავად, რომ ამას თავისი საფრთხეები შეიძლება ახლდეს.

2. საშიში საგნის გადაყლაპვა

თუ გარეთ სუნსულის დროს რამე ისეთი გასინჯა, რაც ჯობდა, არ გაესინჯა და ახლა სახლში სევდიანი თვალებით წევს და ჰგონია, რომ სამყარო თავზე ენგრევა.

3. გეგმიური შემოწმება

შემოწმება უწევს და შეგიძლია დროის გამონახვა, მაგრამ აღმოაჩენ, რომ ფინანსები მობილიზებული არ გქონდა. წარმოიდგინე, რომ ამ დროს დაზღვევის უხილავი ხელი შენზე და შენს მეგობარზე ზრუნავს.

4. მეზობლის ნარჩენი საჭმელი

ძაღლის პატრონებს ყველაზე მეტად არ გვიყვარს, როცა მეზობლები საკუთარი ინიციატივით აჭმევენ, თან ისეთ დაძველებულ ან ვადაგასულ პროდუქტს, თავად გადასაგდებად რომ ენანებათ. რა თქმა უნდა, ეს მეზობელი ვეტერინარის ფულს არ გადაიხდის, რადგან "კარგი საქმე" უკვე გააკეთა, თუმცა ცუგას — მუცლის, შენ კი დამატებითი თავისტკივილი აგკიდა.

5. ჩხუბი

შენ კი ვერ იგებ, ამის გამოა მთელი საღამო მოწყენილი და უმოძრაო, თუ რამე იტკინა. მისთვის დახმარების აღმოჩენა და დისკომფორტის შემსუბუქება ახლა ყველაზე მეტად გინდა. კარგია, როცა ასეთ დროს მხსნელად დაზღვევა გაქვს.

6. ბეწვის ბზინვარება

შეიძლება ძაღლებზე ყველაფერი წაკითხული გაქვს და დარწმუნებული ხარ, რომ ყველაფერი იცი, მაგრამ მის გარეგნობაში ცვლილების მიზეზს მაშინვე ვერ იგებ. ამ დროს კარგი იქნებოდა ვეტერინარის აზრის მოსმენა.

7. უმიზეზო აგრესია

მეგობრის ემოციური არამდგრადობა შეშფოთების მიზეზი ნამდვილადაა, თუმცა ნერვიულობა არ ღირს, ამ დროს ძაღლების ექიმისგან პასუხის მოსმენა და მიზეზების გარკვევა სჯობს.

8. ჭარბი წონა

შენი მსუნაგი სიარულის ნაცვლად უკვე დაგორაობს და ყველაფრის ჭამა უნდება, რასაც ხედავს? ამ დროს მას დიეტა სჭირდება და საქმეში პროფესიონალის ჩართვაა საჭირო, რომელიც კვების გეგმას გაუწერს და შენც მოგცემს რეკომენდაციებს.

9. ხიფათები

სახლის გარეთ სამყარო ხიფათებითაა სავსე. შეიძლება გარეთ ბზიკმა უკბინა და შინ გასიებული დრუნჩით მოვიდა, ან თათში ხიჭვი შეერჭო, ან კატამ დაჩხაპნა... საშიში სცენარებით თავს არ მოგაწყენთ, მთავარია რომ ფინანსების გამო ცხოველისთვის სასწრაფო დახმარების აღმოჩენაზე უარი არ თქვათ.

10. ახალი ვარცხნილობა და სხვა ბენეფიტები

ოთხფეხა მეგობრები ჩვენზე ნაკლებად არ იმსახურებენ გამოპრანჭვას. ირაოს დაზღვევის გამოყენების შემთხვევაში, ფასდაკლებით ისარგებლებთ Groom.ge-სგან ძაღლების გრუმინგისას და ასევე რინგოს ეკომეგობრული ქისების შეძენისას. ასევე მიიღებთ ზოომარტის ფასდაკლების ბარათს.

როგორც ხედავ, ოთხფეხა მეგობრების ცხოვრება გამოწვევებით, თავგადასავლებით და დაუგეგმავი ხიფათებითაა სავსე. ერთგული მეგობარი — ასე ჰქვია ირაოს მიერ შემოთავაზებულ ძაღლების დაზღვევის პოლისს. მისი დახმარებით ცუგას ჯანმრთელობა დაზღვეულია, დამატებითი ხარჯები საფრთხეს არ გიქმნის და თანაცხოვრებას უფრო მშვიდად განაგრძობთ.

ერთგული მეგობრის დაზღვევის პოლისის შესაძენად ეწვიე ირაოს ვებგვერდს.