ევროპული ქალაქები და კურორტები საჰარის ქვიშით დაიფარა
რამდენიმე დღის წინ სამხრეთ ევროპის ქვეყნების ცა მანდარინისფრად შეიღება. იშვიათი მეტეოროლოგიური ფენომენი სამხრეთიდან მოსულ ჰაერის ნაკადს უკავშირდება, რომელსაც თან გაზაფხულის ამინდებიც ერთვის. მიუხედავად იმისა, რომ ასეთი მოვლენა უჩვეულო სანახაობას ნამდვილად არ წარმოადგენს, ექსპერტები აღნიშნავენ, რომ წელს ქარი განსაკუთრებით ძლიერია.
ატმოსფეროში საჰარის ქვიშის კონცენტრაციის გაზრდამ არა მხოლოდ ცის ფერი შეცვალა, არამედ ხმელთაშუაზღვისპირეთის ქვეყნებში თოვლიც გააყავისფრა და ლანდშაფტი მარსს დაამსგავსა.
ინტერნეტსივრცეში შექმნილი ჰეშტეგების — #saharadust და #saharastaub-ის — საშუალებით, მომხმარებლები ერთმანეთს საკუთარ ქალაქში გადაღებულ ფოტოებს უზიარებენ, რომლებიც მართლაც დაგავიწყებთ, რომ ეს დედამიწაზე ხდება.
კომენტარები