5 რჩევა, რომელიც წიგნების კითხვის მადას დაგიბრუნებთ
თუ მოულოდნელად ცუნდოკუს - წიგნების ყიდვისა და მათი არ წაკითხვის ხელოვნების დიდოსტატები გახდით, კითხვას ძველებურად გემოს ვეღარ ატანთ და ერთსა და იმავე აბზაცს რამდენჯერმე იმეორებთ - ნუ შეგეშინდებათ, რადგან თქვენ მარტო არ ხართ! სხვა უამრავი ადამიანის მსგავსად, თქვენც წიგნების კითხვის უმადობით იტანჯებით.
კითხვის მადის დაკარგვას წიგნის ჭიები განსაკუთრებით განიცდიან, რადგან აქამდე ლიტერატურა მათი ყოველდღიურობის განუყოფელი ნაწილი იყო, ახლა კი სავსე წიგნებს შორიდან უცქერენ. კითხვის მადის დაკარგვის მიზეზი, ძირითადად, გონების გადაღლილობაა. სწავლისა და სამსახურის შემდეგ სახლში დაბრუნებულებს წიგნს ხშირად ტიკტოკი ან ისეთი ფილმები და სერიალები გვირჩევნია, რომლებიც ჩვენს ისედაც გადაღლილ გონებას ზედმეტად აღარ გადატვირთავს. მიუხედავად ამისა, კითხვის მადის დაბრუნება შესაძლებელია.
გთავაზობთ 5 რჩევას, რომლებიც დაგეხმარებათ, წიგნების კითხვის ბედნიერება ხელახლა შეიგრძნოთ:
1. მთავარია ხარისხი და არა - რაოდენობა
ლოქდაუნის დროს მოულოდნელად თავისუფალი დრო აღმოგვაჩნდა, რომლის პროდუქტიულად გამოყენებისკენ ყველა ერთხმად მოგვიწოდებდა. ადამიანები სოციალურ ქსელებში გამუდმებით წაკითხული წიგნების რაოდენობასა და სახლში ყოფნის ნაყოფიერად გამოყენებაზე წერდნენ. მსგავსი წნეხი მკითხველის უმადობას განსაკუთრებულად აძლიერებს, რადგან ერთგვარ შეჯიბრებაში ვერთვებით. ეს გვაიძულებს, მეტი ვიკითხოთ, რათა სხვებს არ ჩამოვრჩეთ. ვიწყებთ სიების ჩამოწერას და ვნერვიულობთ, როცა წლის ბოლოსთვის ასივე წიგნი წაკითხული არ გვაქვს.
ასეთ დროს უნდა გავიხსენოთ, რომ კითხვისას მთავარი წიგნის გააზრება და მისგან სიამოვნების მიღებაა, ამისათვის კი ხანდახან ერთი წიგნიც საკმარისია. კითხვა შეჯიბრება არაა, რომელშიც გამარჯვებული წიგნების რაოდენობით ვლინდება, ამიტომ დროა, სიების ჩამოწერას თავი დაანებოთ და საკუთარ სიამოვნებაზე კონცენტრირდეთ.
2. აღმოაჩინეთ ახალი ჟანრები
განსხვავებული ჟანრის წიგნი თქვენში მიძინებულ წიგნის ჭიას გააღვიძებს! შესაძლოა, თქვენი უმადობა სწორედ ერთმანეთის მსგავსი სიუჟეტის წიგნებითაა გამოწვეული. თუ აქამდე რომანებს კითხულობდით, დეტექტივი ან თრილერი სცადეთ; თუ ისტორიული წიგნები და წარსულში ქექვა გხიბლავდათ, სამეცნიერო ფანტასტიკასა და უჩვეულო მომავალში გადაეშვით. ჟანრის შეცვლამ კითხვის უმადობის დაძლევასთან ერთად, შესაძლოა ახალი ინტერესებიც აღმოგაჩენინოთ.
3. სცადეთ აუდიო წიგნები და კომიქსები
ვერავინ დაგადანაშაულებთ, თუ წვრილი ასოებით დაწერილი რამდენიმე ასეული გვერდის წაკითხვისკენ გული აღარ მიგიწევთ. ეს განსაკუთრებით იმ ადამიანებს ეხებათ, რომლებიც სამუშაო დღეს ეკრანის წინ ატარებენ. თვალების გადაღლა შესაძლოა, მკითხველის უმადობის ერთ-ერთი მიზეზი გახდეს.
ამ პრობლემის მოგვარებაში აუდიო წიგნები დაგეხმარებათ. გარდა იმისა, რომ აუდიო წიგნის მოსმენისას მხედველობა არ გეძაბებათ, შეგიძლიათ, პარალელურად, სხვა საქმითაც დაკავდეთ: ივარჯიშოთ, ხატოთ, სახლი დაალაგოთ ან ძაღლი გაასეირნოთ.
მკითხველის უმადობის დასაძლევად კომიქსების კითხვა ერთ-ერთი საუკეთესო ხერხია. კომიქსი, ჩვეულებრივ წიგნთან შედარებით, უფრო მარტივად და სწრაფად იკითხება, თანაც სურათების წყალობით, პერსონაჟებისა და მიმდინარე მოვლენების აღქმა აღარ გაგიჭირდებათ.
4. აქციეთ კითხვა რუტინის განუყოფელ ნაწილად
შეგიძლიათ კითხვას მიუდგეთ როგორც ჩვევას, რომელიც უნდა გამოიმუშავოთ. მთელი დღის განმავლობაში იმაზე დარდს, რომ ვერაფერს კითხულობთ, სჯობს, წიგნებს თქვენი დროის მცირე ნაწილი დაუთმოთ და თანდათანობით სასიამოვნო რუტინად აქციოთ. აუცილებელია, თქვენს თავს ზედმეტი არ მოსთხოვოთ - დღეში ნახევარი საათიც საკმარისია. ყოველდღიურად კითხვა საშუალებას მოგცემთ, წიგნის შინაარსში მეტად ჩაერთოთ. მალე თქვენი ჩვევა ინტერესსა და კითხვის სიყვარულში გადაიზრდება და სხვა სამყაროებში მოგზაურობისას, შესაძლოა, დროის შეგრძნება უწინდებურად დაკარგოთ.
5. დახურეთ მოსაწყენი წიგნები
არ ხართ ვალდებული, დაწყებული წიგნი დაასრულოთ. თქვენი დრო და სიამოვნება ზედმეტად მნიშვნელოვანია იმისთვის, რომ ის უინტერესო წიგნზე დახარჯოთ, მიუხედავად იმისა, რომ აღნიშნულ ნაწარმოებს საზოგადოება აუცილებლად წასაკითხ წიგნთა სიაში მოიხსენიებს. შესაძლოა, თქვენს უმადობას ის იწვევს, რომ თქვენთვის საინტერესო წიგნებს არ კითხულობთ, ამიტომ მანამ ეძებეთ, სანამ სათქვენო წიგნს არ იპოვით.
ჩამოთვლილი რჩევები დაგეხმარებათ, წიგნის კითხვის სურვილი დაიბრუნოთ, თუმცა არც ის უნდა დაგავიწყდეთ, რომ კითხვა ვალდებულება არ არის. თუ კითხვის განწყობა არ გაქვთ, შეგიძლიათ, სხვა სასიამოვნო აქტივობებით დაკავდეთ ან უბრალოდ დაისვენოთ და თავს წიგნების მონატრების შესაძლებლობა მისცეთ.
თუ მსგავსი ლიტერატურული სიახლეები არასდროს გყოფნის და თან ყოველთვის ეძებ ახალ საკითხავს, შემოგვიერთდი ჯგუფში – რა წავიკითხო?
-
გადახედვასტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს
-
გადახედვადაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA დაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA
-
გადახედვადღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას
-
გადახედვავდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება ვდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება
-
გადახედვაროგორი ამინდი იქნება ამ შაბათ-კვირას როგორი ამინდი იქნება ამ შაბათ-კვირას
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
კომენტარები