რესტორატორთა ასოციაციის ხელმძღვანელი შოთა ბურჯანაძე აცხადებს, რომ თუ დარჩენილი ფუნქციონირებადი რესტორნები დროულად არ გაიხსნა, მათი მხოლოდ 1% შეძლებს გახსნას.

"ჩვენ როდესაც დღემდე გვქონდა დაახლოებით 10,000-მდე კვების ობიექტი, (ბარები, რესტორნები, ბუფეტები, კაფეები), დღეს მხოლოდ 10% ფუნქციონირებს და ამ 10%-დან 1%-ს გარდა ვერცერთი ვეღარ შეძლებს ფუნქციონირებას, თუ არ გაიხსნა დროულად", — განაცხადა მან.

მან ასევე ისაუბრა კონკრეტულ პრობლემებთან დაკავშირებით, რომელიც, ამ შემთხვევაში მოიჯარეებს და ფართების მეპატრონეებს გააჩნიათ.

"დაახლოებით პირდაპირ ჩაკეტილ მდგომარეობაში ვართ უკვე ორი თვეა: დეკემბრიდან იანვრის ჩათვლით. როდესაც ბიზნესი უყურებს, რომ პერსპექტივა არ გააჩნია ამ სფეროს შემდეგ მომავალშიც გაიხსნას და დღეს ერთადერთი შესაძლებლობა, რაც აქვთ, არის მიტანის სერვისი და ეს არის მინუსი. ამ შემთხვევაში, შესაძლებელია ბიზნესმა გაუძლოს, თუ პერსპექტივაში ხედავს გახსნას. როცა ვერ ხედავს გახსნის პერსპექტივას, ის თავის თანამშრომლებს დაითხოვს და ეტყვის, რომ მე მეტი მინუსის გაგრძელება აღარ შემიძლია. მეორე შემთხვევა არის, როდესაც 95% დღეს საქართველოში არსებული რესტორნებისა არის იჯარით. ეს იჯარა არის ზოგიერთ შემთხვევაში შეღავათით, ზოგჯერ შეღავათის გარეშე. ის რესტორნები, რომლებიც შეღავათის გარეშე იყვნენ, უკვე გამოუშვეს და დატოვეს ფართები. როდესაც შეღავათით არიან, უკვე მოიჯარე ამ შეღავათს დიდხანს ვეღარ გასცემს, ბიზნესი არის უპერსპექტივო. ის გაუშვებს ამ ფართებიდან თავის მეიჯარეებს და ეტყვის, რომ შემოიყვანს სხვას, ვისთვისაც არსებობის შესაძლებლობა არსებობს", — განაცხადა ბურჯანაძემ.

ეპიდვითარების გამო, ქვეყანაში არ ფუნქციონირებს სარესტორნე ბიზნესი, რასაც ამ სფეროში დასაქმებულები უკვე დიდი ხანია აპროტესტებენ და მთავრობას პოლიტიკის გადახედვისკენ მოუწოდებენ.

22 იანვარს ცნობილი გახდა, რომ შეზღუდვების მცირე ნაწილი იხსნება, თუმცა დიდი ნაწილი კვლავ ძალაში რჩება. შეზღუდვების ნაწილი სხვადასხვა ქალაქში, სხვადასხვა დროსა და განსხვავებული პირობებით უქმდება. კერძოდ.