შინაგან საქმეთა სამინისტროს ინფორმაციით, თელავში, სოფელ კისისხევში, 50 წლამდე მამაკაცი დამამძიმებელ გარემოებაში, განზრახ მკვლელობის ბრალდებით დააკავეს. იგი დანაშაულს აღიარებს.

"გამოძიებით დადგინდა, რომ ჯ.ა.-მ ურთიერთშელაპარაკების შემდეგ თავის ნაცნობ მამაკაცს — 1984 წელს დაბადებულ ხ.ე.-ს და ამ უკანასკნელის თანმხლებ ქალს — 1992 წელს დაბადებულ დ.ფ.-ს არაერთი ჭრილობა მიაყენა", — ვკითხულობთ შსს-ს მიერ გავრცელებულ განცხადებაში.

უწყების ინფორმაციით, დაჭრილი კაცი საავადმყოფოში გადაიყვანეს, ქალი კი შემთხვევის ადგილზევე გარდაიცვალა.

პოლიციამ დანაშაულის ჩადენის იარაღი, დანა, ნივთმტკიცების სახით ამოიღო.

გამოძიება საქართველოს სისხლის სამართლის კოდექსის 108-ე მუხლით და 19-109-ე მუხლის მე-3 ნაწილის ა ქვეპუნქტით მიმდინარეობს, რაც 16-დან 20 წლამდე, ან უვადო თავისუფლების აღკვეთას ითვალისწინებს.