პრეზიდენტმა, სალომე ზურაბიშვილმა ბრიუსელში სამუშაო ვიზიტისას აღნიშნავ, რომ საქართველო კორონავირუსის ვაქცინაზე ევროკავშირის მხრიდან სოლიდარულ გადაწყვეტილებას ელის. ამის შესახებ ზურაბიშვილი ევროპული საბჭოს პრეზიდენტს, შარლ მიშელს ესუბრა.

როგორც პრეზიდენტის ადმინისტრაციაში აცხადებენ, შარლ მიშელმა აღნიშნა, რომ პრეზიდენტის თხოვნა მიღებულია და ის ეცდება, ამ საკითხზე მის კოლეგებთან ერთად შესაბამის შედეგს მიაღწიოს.

შეხვედრაზე, ასევე, ისაუბრეს საქართველოსა და ევროკავშირის დაახლოების კონკრეტული და პრაგმატული ნაბიჯების შესახებ, რომლებზეც ერთობლივად მუშაობა უნდა გაგრძელდეს. პრეზიდენტმა შარლ მიშელი საქართველოში მოიწვიავ, რაზეც მან ჩამოსვლისთვის მზაობა გამოთქვა.

სალომე ზურაბიშვილი ბრიუსელში სამუშაო ვიზიტით 20 იანვარს გაემგზავრა. ვიზიტის ფარგლებში დაგეგმილია შეხვედრები ევროკავშირისა და ANTO-ს ხელმძღვანელ პირებთან.