ილიას სახელმწიფო უნივერსიტეტის ტექნოლოგიის სკოლასთან არსებული Google დეველოპერების სტუდენტური კლუბი აცხადებს მოსწავლეების მიღებას სრულად დაფინანსებულ პითონის პროგრამულ კურსზე.

დღეს პითონი ერთ-ერთი ყველაზე ხშირად გამოყენებადი პროგრამული ენაა, რომლის საშუალებითაც შეგვიძლია გადავამუშაოთ მონაცემები და შევქმნათ სხვდასხვა აპლიკაცია.

კურსის მიზანია მოსწავლეებმა პითონზე ისწავლონ პროგრამირების საწყისები.

ვისთვის არის განკუთვნილი კურსი

კურსი განკუთვნილია 15-დან 18 წლამდე სკოლის მოსწავლეებისთვის მთელი საქართველოდან, რომლებსაც სურთ შეისწავლონ პროგრამირების საფუძვლები და 2021 წლის 29 იანვრის ჩათვლით გაგზავნია შევსებულ ელექტრონულ სააპლიკაციო ფორმას.

როგორ დავრეგისტრირდე კურსზე

სააპლიკაციო ფორმა ხელმისაწვდომია აქ.
აპლიკაციის შევსების ბოლო ვადა: 29 იანვარი, 18:00 საათი

მონაწილეები შეირჩევიან აპლიკაციის განხილვის საფუძველზე.

კურსი ჩატარდება დისტანციურად, პლატფორმა ზუმის გამოყენებით და ის 12 გაკვეთილს მოიცავს. კურსის პირველი შეხვედრა გაიმართება 6 თებერვალს, 14:00 საათზე. როგორც ილიას სახელმწიფო უნივერსიტეტში აცხადებენ, შეხვედრის ბმულს შერჩეულ მონაწილეებს გაუგზავნიან