დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ლუგარის საზოგადოებრივი ჯანმრთელობის კვლევითი ცენტრის ხელმძღვანელის, პაატა იმნაძის განცხადებით, ბოლო თვეების მანძილზე გატესტილთაგან ინფიცირებულთა პროცენტული რაოდენობა 10%-დან 8%-ზე ჩამოვიდა, რაც, მისი თქმით, საიმედო მაჩვენებელია.

"დღეს არის 1 600-ზე მეტი შემთხვევა, გუშინ იყო 1 800. აქედან გამომდინარე სანამ ჩვენ... მაგრამ ერთი საიმედო და კარგი ნიშანი ის არის, რომ პირველად, აი ამ ბოლო თვეების მანძილზე 8%-ზე ჩამოვიდა, ანუ 19 000-ზე მეტი ტესტი გაკეთდა, იქიდან, რაც იყო დადებითი ეს არის დაახლოებით 8%. ეს პირველად მოხდა, რომ ჩვენ ჩამოვედით 10%-ზე დაბლა გატესტილებიდან, ეს არის საიმედო მაჩვენებელი. [...] მაგრამ ნუ დაგვავიწყდება, რომ ჩვენ დაახლოებით 100-200-დან ორ თვეში ავედით 5 000-მდე," — აცხადებს იმნაძე

13 იანვრის მონაცემებით, საქართველოში კორონავირუსის ახალი 1 618 შემთხვევა დადასტურდა, გამოჯანმრთელდა 403 ადამიანი, ხოლო გარდაიცვალა — 26.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 243 255-ს. გამოჯანმრთელებულთა რაოდენობა გაიზარდა 227 611-მდე, ხოლო გავრცელებიდან დღემდე ვირუსს ჯამში 2 846 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: