კომპანია სევერნი ალიანსი გეგმავს, რომ სპეციალურად რუსული ბაზრისთვის დაიწყოს ქართული ღვინის ახალი ბრენდის დამზადება, რომლის სახელწოდებაც იქნება "სირი". ამის შესახებ ინფორმაციას რუსული საინფორმაციო სააგენტო მოსკოვი იუწყება.

"ჩვენ ვგეგმავთ დავიწყოთ ალკოჰოლური სასმელის ახალი ხაზის, "სირის" - ქართული ღვინის წარმოება. თუ "სირს" ქართულად გადავთარგმნით, ეს ნიშნავს ბეღურას. ეს სიტყვების გარკვეული თამაშია" – განაცხადა კომპანია სევერნი ალიანსის დირექტორმა, ევგენი კომისაროვმა.

მისივე თქმით, ღვინის ეტიკეტზე წარწერა დატანილი იქნება როგორც ლათინურად (Siri), ისე – რუსულად (Сири). როგორც კომპანიის დირექტორი განმარტავს, ამ ეტაპზე ღვინის განთავსებაზე მიმდინარეობს მოლაპარაკებები მოსკოვში არსებულ სავაჭრო ქსელებთან.