საპარლამენტო უმრავლესობის ლიდერი, ლადო კახაძე ამბობს, რომ საზოგადოება უნდობლობის ვირუსით არის შეპყრობილი.

"გარკვეულწილად საზოგადოება, ჩვენთან არა მარტო, დედამიწაზე, უნდობლობის ვირუსით არის შეპყრობილი. ეს ერთი მხრივ გამართლებულია, იმიტომ, რომ ერთი საკითხია და ათასი აზრი და ყველა თავისი აზრის უპირატესობას ამტკიცებს.

სატელეფონო საუბარი რომ დგება, რომ რეკავთ, იქედან ავტომატიკა გპასუხობთ — თქვენი საუბარი იწერება. [...] კარგი შენიშვნა იყო ამ ვიდეოკონტროლთან დაკავშირებით", — განაცხადა კახაძემ.

მან ეს განცხადება ჯანმრთელობის დაცვისა და სოციალურ საკითხთა კომიტეტის სხდომაზე გააკეთა, დეპუტატ ზაზა ლომინაძის შენიშვნის საპასუხოდ, რომელმაც თქვა, რომ კარგი იქნება კორონავირუსის ვაქცინის შემოტანის შემდეგ, აცრის ოთახში ვიდეოკონტროლი დაწესდეს.

დღეს, ჯანმრთელობის დაცვისა და სოციალურ საკითხთა კომიტეტის სხდომაზე განიხილეს კანონპროექტი, რომლის მიხედვითაც, კორონავირუსის ვაქცინის გამოყენების შედეგად გამოწვეულ შესაძლო ზიანზე პასუხისმგებლობას სახელმწიფო აიღებს, გარდა იმ შემთხვევების, თუ ზიანი გამოწვეულია სამედიცინო პერსონალის, იმპორტიორის, ან მწარმოებლის შეცდომით. ზაზა ლომინაძის ინიციატივის მიზანი, სწორედ სამედიცინო პერსონალის მიერ შესაძლო შეცდომის გამოვლენაა.

გაიგეთ მეტი: