ინდონეზიაში სამგზავრო თვითმფრინავი, რომლის ბორტზეც 50-ზე მეტი ადამიანი იმყოფებოდა, დედაქალაქ ჯაკარტიდან აფრენის შემდეგ რადარებიდან გაუჩინარდა.

ოფიციალური პირების განცხადებით, Sriwijaya Air Boeing 737-მა კონტაქტი დასავლეთ კალიმანტანის პროვინციაში პონტიანაკისკენ მიმავალ გზაზე დაკარგა.

BBC-ს ინფორმაციით, ინდონეზიის ტრანსპორტის სამინისტრომ სამძებრო და სამაშველო სამუშაოები უკვე დაიწყო.