"მე ვუერთდები არჩეულ პრეზიდენტს, ჯო ბაიდენს კაპიტოლიუმსა და ჩვენს საჯარო მოხელეებზე თავდასხმის დასრულების მოთხოვნაში და როგორც მან თქვა — მივცეთ დემოკრატიას განვითარების შესაძებლობა", — წერს აშშ-ის არჩეული ვიცე-პრეზიდენტი, კამალა ჰარისი ტვიტერზე. ასე გამოეხმაურა ის კაპიტოლიუმში განვითარებულ მოვლენებს.

ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაპირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი კომენდანტის საათი.

შეწყდა სხდომა, რომელზეც არჩევნების შედეგები უნდა დაემტკიცებინათ. სწორედ ამას აპროტესტებდნენ ტრამპის მხარდამჭერები, რადგან მოქმედ პრეზიდენტს სჯერა, რომ მან გაიმარჯვა და არჩევნები გაყალბდა.

ამ ეტაპზე ვრცელდება ინფორმაცია ერთ დაჭრილ მოქალაქესა და რამდენიმე დაშავებულ პოლიციელზე.

გაიგეთ მეტი: