არჩეულმა პრეზიდენტმა, ჯო ბაიდენმა მოსახლეობისადმი მიმართვისას განაცხადა, რომ ახლა აშშ-ის დემოკრატია უპრეცენდენტო თავდასხმის ქვეშაა. მისი თქმით, ქაოსი, რომელიც კაპიტოლიუმში ხდება, არ ასახავს ამერიკის სახეს.

მან მოუწოდა პრეზიდენტ ტრამპს, რომ ტელევიზიით გამოვიდეს, შეასრულოს თავისი ფიცი, დაიცვას კონსტიტუცია და მოუწოდოს მხარდამჭერებს, შეწყვიტონ უკანონო ქმედებები. მისი თქმით, ეს არა პროტესტი, არამედ აჯანყებაა და ამას მსოფლიო ხედავს.

"კაპიტოლიუმის შტურმით აღება, ფანჯრების მსხვრევა, ოფისების დაკავება, სენატსა და წარმომადგენელთა პალატაში შეჭრა, არჩეული ოფიციალურ პირების მუქარა, არ არის პროტესტი. ეს არის აჯანყება. ამას მსოფლიო უყურებს ისევე, როგორც ამერიკა. ნამდვილად შოკირებული და დამწუხრებული ვარ. შემდეგი ოთხი წელი ვიმუშავებთ დემოკრატიის აღსადგენად", — ამბობს ბაიდენი.

ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაპირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი კომენდანტის საათი.

გაიგეთ მეტი: