აშშ-ის არჩეული პრეზიდენტის, ჯო ბაიდენის თქმით, ახლა რაც კაპიტოლიუმთან ხდება არ არის ამერიკის საზოგადოება, ესენი არიან ექსტრემისტების მცირე ჯგუფი. მისი თქმით, ამერიკის დემოკრატია თავდასხმის სამიზნეა.

"ეს არის თავდასხმა ხალხის წარმომადგენლებზე და კაპიტოლიუმის პოლიციაზე, რომელიც მათ იცავდა. ეს არის თავდასხმა საჯარო მოხელეებზე. ეს არის თავდასხმა კანონის უზენაესობაზე. უნდა განვაცხადო, რომ ქაოსი კაპიტოლიუმთან უნდა შეწყდეს, დაუყოვნებლივ. რასაც ხედავთ კაპიტოლიუმთან, ეს არ გამოხატავს იმას, რაც ჩვენ სინამდვილეში ვართ. ესენი არიან ექსტრემისტების მცირე ჯგუფი. კაპიტოლიუმის შტურმით აღება, ფანჯრების მსხვრევა, ოფისების დაკავება, სენატში და წარმომადგენელთა პალატაში შეჭრა, არჩეული ოფიციალურ პირების მუქარა, არ არის პროტესტი. ეს არის აჯანყება. ამას მსოფლიო უყურებს, ისევე როგორც ამერიკელები. ნამდვილად შოკირებული და დამწუხრებული ვარ. შემდეგი ოთხი წელი ვიმუშავებთ დემოკრატიის აღსადგენად", — ამბობს ბაიდენი.

ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაპირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი კომენდანტის საათი.

გაიგე მეტი: