დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ლუგარის საზოგადოებრივი ჯანმრთელობის კვლევითი ცენტრის ხელმძღვანელის, პაატა იმნაძის განცხადებით, მსოფლიო ლიტერატურისა და პუბლიკაციების მიხედვით გამოვლენილია კორონავირუსით ინფიცირების 2 ათეულამდე შემთხვევა.

"რეინფიცირება ძალიან საინტერესო საკითხია, არსებობს ამაზე პუბლიკაციები მსოფლიოში, იქ არის 2 ათეულამდე შემთხვევა დადასტურებული, რაც მსოფლიო ლიტერატურაში გამოქვეყნდა. ჩვენთანაც მოძიებულია ასეთი შემთხვევები და ამისათვის საჭიროა რომ მოიძიოს, როცა პირველად დაუდასტურდა, მაშინდელი ნიმუში და როცა მეორედ დაუდასტურდა მაშინდელი ნიმუში და მოხდეს ამ ნიმუშების გენეტიკური ანალიზი და დამტკიცდეს, რომ ეს ნამდვილად არის თუ არა კორონავირუსი და ერთმანეთისგან განსხვავდებიან, თუ ზუსტად ერთნაირები არიან, ასე რომ ამაზე მუშაობა მიმდინარეობს", — აცხადებს იმნაძე.

14 დეკემბერს დაავადებათა კონტროლის ეროვნული ცენტრის ხელმძღვანელის, ამირან გამყრელიძემ განაცხადა, რომ ლუგარის ცენტრში რამდენიმე შემთხვევაზე მიმდინარეობს კვლევა, რათა დადგინდეს, არის თუ არა კორონავირუსით რეინფიცირების შემთხვევები.

6 იანვრის მონაცემებით, საქართველოში კორონავირუსის 1 800 ახალი შემთხვევა დადასტურდა, გამოჯანმრთელდა — 489, ხოლო გარდაიცვალა — 20.

ქვეყანაში Covid-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 233 879-ს შეადგენს, გამოჯანმრთელებულთა რაოდენობა — 223 276-ს, პანდემიის გავრცელებიდან დღემდე ვირუსს ჯამში 2 666 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: