ოკუპირებული აფხაზეთის დე ფაქტო პრემიერმინისტრი, ალექსანდრ ანქუაბი გუდაუთის საავადმყოფოში გადაიყვანეს. ინფორმაციას ამის შესახებ ე.წ. მთავრობის პრესსამსახური ავრცელებს.

"ალექსანდ ანქუაბი 4 იანვრიდან მკურნალობას გუდათის საავადმყოფოში აგრძელებს. მისი ჯანმრთელობის მდგომარეობა სტაბილურია, უარყოფითი დინამიკა არ შეიმჩნევა, მაგრამ სტაციონალური მეთვალყურება აუცილებელი გახდა", — ნათქვამია მათ მიერ გავრცელებულ განცხადებაში.

ანქუაბს Covid-19, 2020 წლის 30 დეკემბერს, დაუდასტურდა. ის აქამდე სახლში მკურნალობდა.

27 დეკემბერს კი კორონავირუსი აფხაზეთის არ აღიარებულ პრეზიდენტ, ასლან ბჟანიას დაუდგინდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: