ერთიანი ნაციონალური მოძრაობის ლიდერი ნიკა მელია ბავშვთა სამყაროსთან ხანძრით დაზარალებულებს შეხვდა.

მელიას თქმით, დაზარალებულებს არ სჯერათ ხანძრის შემთხვევითობის და ამის მიზეზიც აქვთ:

"სამწუხაროა ის რაც მოხდა, მაგრამ კიდე უფრო სამწუხაროა რომ არავის არ ჯერა რომ ეს ხანძარი ტექნიკური გაუმართაობის გამო გაჩნდა. აბსოლუტურ უმრავლესობას სჯერა, რომ განგებ გააჩინეს აქ ხანძარი. არანორმალურია, რომ ამ დონის უნდობლობაა ხელისუფლებისადმი".

ენმ-ს ლიდერი ქალაქის მერს მის მიერ გაკეთებული განცხადების გამო აკრიტიკებს:

"ეს ხალხის დაცინვა და პრობლემისგან გაქცევაა".

ნარმანიამ ბავშვთა სამყაროში გაჩენილ ხანძარზე განაცხადა, რომ პასუხი ბაზრობის ადმინისტრაციამ უნდა აგოს.

"არაფერს ვამტკიცებ, მაგრამ ფაქტია ბევრი სავაჭრო ადგილი, ბაზრები დამწვარა და იმ ადგილას შემდგომ გვინახავს სავაჭრო ცენტრი ან კორპუსი. ამიტომ ძალიან მკაფიო პასუხი სჭირდება ამ ხალხს, რა სახის დახმარებას გაუწევს ხელისუფლება და რეალურად რა მოხდა" - ამბობს ნიკა მელია.

On.ge-ს რეპორტაჟი ბავშვთა სამყაროს ტერიტორიიდან.