სავაჭრო ცენტრ ბავშვთა სამყაროში გაჩენილი ხანძრის შემდეგ, შემთხვევის ადგილზე თბილისის მერი დავით ნარმანია მივიდა. მისი თქმით, ხანძარზე პასუხისმგებლობა ბაზრის ადმინისტრაციას ეკისრება:

"პირველ რიგში, ბაზრობის ადმინისტრაციამ უნდა აგოს პასუხი, მათ ეკისრებათ პასუხისმგებლობა იმაზე რაც აქ მოხდა. ამ ადამიანებს ხელშეკრულებები ჰქონდათ ბაზრობის ადმინისტრაციასთან, მათ აქვთ თავიანთი უფლება-მოვალეობები და პასუხიმგებლობები და უნდა გასცენ ამ ხალხს პასუხი. ძალიან მძიმე ფაქტია, ასეთი შემთხვევა დიდი ხანია არ ყოფილა თბილისში, ძალიან ბევრ ადამიანს უჭირს და ის ადამიანები ვინც აქ იყვნენ, არიან ისინი, რომლებსაც დალხენილი ცხოვრება ნამდვილად არ ჰქონიათ".

გვიან ღამით, სავაჭრო ცენტრში გაჩენილ ხანძარს მეხანძრეები რამდენიმე საათია აქრობენ. მთლიანად დამწვარია შენობა და მის უკან მდებარე ტანსაცმლის ბაზრობა, ასევე, საბითუმო სავაჭრო ცენტრი.