რატომ გაიგო კორონავირუსის ახალი შტამის შესახებ მხოლოდ სამმა მედიამ — განმარტებები
საქართველოში კორონავირუსის ახალი, ე.წ. ბრიტანული შტამი დადასტურდა. ინფორმაცია ამის შესახებ თავდაპირველად მხოლოდ რამდენიმე მედიამ გაავრცელა, თუმცა დღის განმავლობაში ამ თემაზე პასუხების მიღებას ცდილობდნენ სხვა ჟურნალისტებიც, მათ შორის On.ge.
ჩვენ ამ თემაზე კითხვებს დილიდან ვსვამდით, რადგან პაატა იმნაძემ თქვა, რომ სწორედ დღეს გახდებოდა ცნობილი, დადასტურდა თუ არა ქვეყანაში ახალი შტამი. თავდაპირველად, დაავადებათა კონტროლის ეროვნული ცენტრის პრესსამსახურს მივმართეთ, რომელმაც ჯანდაცვის სამინისტროში გადაგვამისამართა, სამინისტრომ კი — კვლავ NCDC-ში. ვცადეთ დაკავშირება პაატა იმნაძესთანაც, თუმცა ის ზარებს არ პასუხობდა. იმნაძეს On.ge-მ გაუგზავნა მოკლე ტექსტური შეტყობინებაც, რომელზეც ახალი შტამის ოფიციალურად დადასტურებიდან 1 საათის შემდეგ გვიპასუხა.
მას შემდეგ, რაც რამდენიმე მედიამ გაავრცელა ინფორმაცია, რომ ქვეყანაში ე.წ. ბრიტანული შტამი დადასტურდა, On.ge-მ კვლავ მიმართა ჯანდაცვის სამინისტროს პრესსამსახურს, სადაც გვითხრეს, რომ ამაზე ინფორმაცია არ აქვთ. NCDC-ში კი ზარებს არ პასუხობდნენ. მოგვიანებით, ინფორმაცია გამოქვეყნდა დაავადებათა კონტროლის ეროვნული ცენტრის Facebook გვერდზე.
იმ ტელევიზიებთან, რომლებმაც ინფორმაცია პირველებმა გაავრცელეს, კომენტარი დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ გააკეთა. კადრებში ჩანს, რომ ადგილზე მყოფ ჟურნალისტებს შორის არიან რუსთავი 2-ის, მაესტროსა და საზოგადოებრივი მაუწყებლის წარმომადგენლები. On.ge-მ სცადა მათთან დაკავშირება კითხვით, როგორ აღმოჩნდნენ ჯანდაცვის სამინისტროში. მაესტროში გვითხრეს, რომ პრესსამსახურს ქვეყანაში არსებულ ეპიდემიოლოგიურ ვითარებასთან დაკავშირებით სიუჟეტისთვის მინისტრის მოადგილის, თამარ გაბუნიას კომენტარზე შეუთანხმდნენ, უწყებაში მისულებს კი ადგილზე პაატა იმნაძეც დახვდათ, რომელმაც ახალ შტამზე გააკეთა კომენტარი. რაც შეეხება საზოგადოებრივ მაუწყებელსა და რუსთავი 2-ს, მათთან დაკავშირება ამ დრომდე ვერ მოვახერხეთ.
On.ge-მ ჰკითხა სხვადასხვა მედიას, იცოდნენ თუ არა, რომ პაატა იმნაძე ახალ შტამთან დაკავშირებით განცხადებას აკეთებდა. ფორმულას, მთავარ არხს, TV პირველს, კავკასიას, ნეტგაზეთს, პუბლიკას, IPN-ს და ტაბულას ამის შესახებ ინფორმაცია არ ჰქონიათ. ამასთან, ონლაინ მედიის წარმომადგენლები ამბობენ, რომ დღეს ამ თემაზე ჯანდაცვის სამინისტროსთან კომუნიკაცია არ უცდიათ. რაც შეეხება ტელევიზიებს, კავკასიის გარდა, ყველა ამბობს, რომ კომენტარის მიღებას მთელი დღის განმავლობაში ცდილობდნენ:
"ჩვენ დილიდან ვყვებით, რომ არის საეჭვო შემთხვევა. დილის 10:00 საათიდან ვეკონტაქტებით ყველას. ჯანდაცვის სამინისტრო არ გვპასუხობდა მთელი დღის განმავლობაში. დაავადებათა კონტროლის ეროვნული ცენტრის პრესსამსახური დაგვპირდა, რომ თუ იქნებოდა კომენტარი, აუცილებლად გაგვაგებინებდა, თუმცა ტელევიზორში ვნახეთ სხვა არხზე, რომ პაატა იმნაძეს კომენტარი გაუკეთებია", — ამბობს თეო გილიგაშვილი, მთავარი არხის პროდიუსერი.
"მე მგონი, უფრო ჯანდაცვის სამინისტროს ამბავია, დაავადებათა კონტროლის ცენტრიდან გვირეკავენ ხოლმე. ვცდილობდით დაკავშირებას, როგორც ყველა არხი. ჯერ კიდევ პირველ იანვარს მოვყევით, რომ სავარაუდო ახალ შემთხვევას სწავლობდნენ. მას შემდეგ, ყოველ დღე ველოდებით პასუხს. ამბავი გავიგეთ სხვა მედიიდან. კიდევ ერთი საინტერესო დეტალია — რომელიღაც მედიას თამარ გაბუნიას ჩაწერაც შესთავაზეს და მე მსგავსი შემოთავაზება, არაერთი თხოვნის მიუხედავად, თითქმის არც ერთხელ არ მახსოვს ჯანდაცვის სამინისტროსგან", — ამბობს გიორგი ლაფერაშვილი, ფორმულას საინფორმაციოს უფროსი.
"არც ჩვენი ტელევიზიისთვის დაურეკავთ. ჩვენი ჟურნალისტი არკვევდა დეტალებს, თუმცა, როგორც ვიცი, კომუნიკაციის დამყარება ვერ მოხერხდა. ჯანდაცვის სამინისტროსგან ეს პირველი შემთხვევა არ არის. ურეკავენ მხოლოდ სამთავრობო არხებს და გარდა იმისა, რომ არ გვირეკავენ, ჩვენს სატელეფონო ზარებსაც არ პასუხობენ, როცა რამე ინფორმაციის გადამოწმება გვინდა. ეს აპრობირებული პრაქტიკაა — ეს არის ერთ-ერთი ყველაზე ჩაკეტილი უწყება, ტელეფონს არ პასუხობენ და მორჩა", — ამბობს ნოდარ მელაძე, TV პირველის პროდიუსერი.
რაც შეეხება იმედს, On.ge-ს ტელევიზიაში უთხრეს, რომ კომენტარი მას შემდეგ ჩაწერეს, რაც კორონავირუსის ახალი შტამი ქვეყანაში ოფიციალურად დადასტურდა.
ჩვენ დავუკავშირდით ჯანდაცვის სამინისტროსაც და ვკითხეთ, როგორ მიიღეს ინფორმაცია ე.წ. ბრიტანული შტამის დადასტურების შესახებ მხოლოდ კონკრეტულმა ტელევიზიებმა. უწყების პრესსამსახურის წარმომადგენელი ამბობს, რომ სამი ტელევიზია ჯანდაცვის სამინისტროში ერთდროულად იყო მისული თამარ გაბუნიასთან და სამივეს ჰქონდა სიუჟეტი საქართველოში ეპიდვითარებასთან დაკავშირებით.
"სიუჟეტისთვის დარეკეს რუსთავი 2-მა, პირველმა არხმა და მაესტრომ. ეპიდვითარებაზე უნდა ჩაეწერათ თამარ გაბუნიას კომენტარი. რომ მივიდა სამი ტელევიზია, შემთხვევით შეხვდათ პაატა იმნაძე, თორემ არც ბრიფინგი ყოფილა და არც შეხვედრა ჯანდაცვის სამინისტროში", — ამბობენ პრესსამსახურში On.ge-სთან.
მათივე განმარტებით, არც თავად იცოდნენ, რომ პაატა იმნაძე სამინისტროში იმყოფებოდა, კორონავირუსის ახალ შტამზე კი NCDC-ის განცხადებამდე ვერაფერს იტყოდნენ. უწყების პრესსამსახურმა იმნაძის კომენტარი მოგვიანებით გაავრცელა — მას შემდეგ, რაც სამმა მედიამ ის გააშუქა და NCDC-მაც ახალი შტამის დადასტურების შესახებ ფეისბუქზე დაწერა.
აღსანიშნავია, რომ ეს არ არის პირველი შემთხვევა, როცა ჯანდაცვის სამინისტროსა და დაავადებათა კონტროლის ეროვნულ ცენტრთან კომუნიკაცია ჟურნალისტებს უჭირთ.
დღეს საქართველოში კორონავირუსის ახალი შტამი დადასტურდა. დაავადებათა კონტროლის და საზოგადოებრივი ჯანმრთელობის ეროვნული ცენტრის (NCDC) ინფორმაციით, სულ კვლევაში სამი საეჭვო შემთხვევა იყო, რომელთაგან ორში შტამის არსებობა არ დადასტურდა, ხოლო ერთ, დეკემბრის თვეში აღებულ ნიმუშში, ახალი "ბრიტანული" შტამის S გენისათვის დამახასიათებელი მუტაცია გამოვლინდა. NCDC-ის ცნობით, პაციენტი 50 წელს გადაცილებული მამაკაცია, რომლის მდგომარეობა დამაკმაყოფილებელია და თვითიზოლაციაში იმყოფება. გამოვლენილია ინფიცირებულთან კონტაქტებიც. კითხვას, საიდან შემოვიდა კორონავირუსის ახალი შტამი ქვეყანაში, პაატა იმნაძემ არ უპასუხა.
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვამოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით მოუსმინეთ: ტეილორ სვიფტმა ახალი "ორმაგი" ალბომი გამოუშვა 31 სიმღერით
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაDRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს DRI-ის შეფასებით, რუსული კანონის საწინააღმდეგო აქციაზე, ყველა დაკავებულზე ფიზიკურად იძალადეს
კომენტარები