თბილისის ნაძვის ხის დაზიანებული ნათურების აღდგენა დაიწყო. როგორც თბილსერვისში On.ge-ს განუცხადეს, დაზუსტებით არ იციან, ნათურებს დღეს აღადგენენ თუ არა.

ნაძვის ხის ნათურები ახალი წლის ღამეს დაზიანდა. თბილსერვისში On.ge-ს დაუდასტურეს, რომ ნათურები მას შემდეგ ჩაქრა, რაც ადგილზე მყოფი ერთ-ერთი მოქალაქის მაშხალა ნაძვის ხეს მოხვდა.

მერიამ 2019 წელს იტალიაში, მილანში, მილიონ ლარად ნაყიდი ნაძვის ხის გადასაკეთებლად გამარტივებული შესყიდვა გამოაცხადა, რომლის ღირებულება 195 800 ლარი იყო. დოკუმენტიდან ირკვევა, რომ მორთვა-გაფორმებაში 103 850 ლარი დაიხარჯებოდა, 70 ცალ ნათურასა და 21 მეტრი სიგრძის გირლიანდაში — 70 950, სტრინგი კაბელის შეძენა კი 21 ათასი. წელს მერიას ახალი ნაძვის ხე არ უყიდია, გადაკეთდა და დაემატა ტოტების ნაწილი.