რატი ონელის დოკუმენტური ფილმი მზის ქალაქი ბერლინალეს Glashütte Original ჯილდოზეა ნომინირებული, როგორც ორიგინალური დოკუმენტური ნამუშევარი.

დოკუმენტური ფილმი ჭიათურის და მისი რამდენიმე მაცხოვრებლის ამბავს მოგვითხრობს და ჩვეულებრივი ადამიანების ცხოვრებას, მათ ოცნებებსა და ბედს გვიყვება. სიუჟეტი გამორჩეულია იმით, რომ ფილმის თითოეულ გმირს ქალაქის წარსულზე, აწმყოსა და მომავალზე თავისებური ხედვა გააჩნია.

მზის ქალაქი ეროვნული კინოცენტრის მოკლემეტრაჟიანი და სრულმეტრაჟიანი დოკუმენტური ფილმების წარმოების კონკურსის გამარჯვებულია.

შეგახსენებთ რომ წელს ბერლინის ფესტივალზე ნანა ექვთიმიშვილის ფილმის ჩემი ბედნიერი ოჯახი და რეზო გიგინეიშვილის მძევლების პრემიერაც შედგება.