კორონავირუსმა მსოფლიოს გარშემო 1,78 მილიონი ადამიანის სიცოცხლე იმსხვერპლა და თითოეული ამ ადამიანის დანაკარგი პირად ტრაგედიასთან და მისი გარშემომყოფების ტკივილთანაა დაკავშირებული. შარშან ამ დროს ნამდვილად არ ვიცოდით, რამდენად რთული წელი გველოდა და რამდენად ძლიერები შეიძლებოდა ვყოფილიყავით.

იმის მიუხედავად, რომ დანაკარგების წლის დიდი ნაწილი სოციალურ დისტანცირებაში გავატარეთ, აღმოვაჩინეთ, რომ ერთმანეთზე ზრუნვა და გაერთიანება საკუთარ კუნძულებზე გამოკეტილებსაც შეგვიძლია. სანამ 2021 წელში იმედიანად შევაბიჯებთ, გავიხსენოთ წლის მთავარი დანაკარგი — ადამიანები.

კობი ბრაიანტი

კალათბურთის ვარსკვლავი, 41 წლის კობი ბრაიანტი 25 იანვარს ავიაკატასტროფაში დაიღუპა. ამ დროს კერძო თვითმფრინავში ცხრა მგზავრი იმყოფებოდა და ავიაკატასტროფას ვერავინ გადაურჩა. დაიღუპა ბრაიანტის 13 წლის შვილი, ჯიანა ბრაიანტიც.

ჩედვიკ ბოუზმენი

ამერიკელი მსახიობი ჩედვიკ ბოუზმენი, რომლის ერთ-ერთი ყველაზე დასამახსოვრებელი როლი MARVEL-ის სუპერგმირი შავი პანტერა იყო, 43 წლის ასაკში ნაწლავის კიბოს გამო გარდაიცვალა.

რუთ გინსბურგი

აშშ-ს უზენაესი სასამართლოს უხუცესი მოსამართლე, რუთ გინსბურგი 87 წლის ასაკში გარდაიცვალა. მისი გარდაცვალების მიზეზი პანკრეასის კიბოთი გამოწვეული გართულებები გახდა.

დაიანა რიგი

მსახიობი დაიანა რიგი, რომელიც ცნობილი იყო ოლენა ტირელის როლით Game of Thrones-ში, 82 წლის ასაკში გარდაიცვალა.

შონ კონერი

შოტლანდიელი მსახიობი შონ კონერი, რომელსაც მაყურებელი ყველაზე კარგად ჯეიმს ბონდის როლით იცნობდა, 90 წლის ასაკში გარდაიცვალა.

დიეგო მარადონა

25 ნოემბერს ლეგენდარული არგენტინელი ფეხბურთელი, დიეგო მარადონა გულის შეტევით 60 წლის ასაკში გარდაიცვალა.

ენიო მორიკონე

ოსკაროსანი იტალიელი კომპოზიტორი, რომელმაც დაუვიწყარი მუსიკალური კომპოზიციები 500-ზე მეტი ფილმისთვის შექმნა, 91 წლის ასაკში გარდაიცვალა.

დეივ პროუზი

დართ ვეიდერის როლის შემსრულებელი, დეივ პროუზი 85 წლის ასაკში გარდაიცვალა.

კელი პრესტონი

ამერიკელი მსახიობი კელი პრესტონი 12 ივლისს 57 წლის ასაკში გარდაიცვალა. ის ასევე ჯონ ტრავოლტას ცოლი იყო.

კირკ დაგლასი

ჰოლივუდის ლეგენდარული მსახიობი კირკ დაგლასი 103 წლის ასაკში გარდაიცვალა. ის ჰოლივუდის ოქროს ხანის ერთ-ერთ გამორჩეულ მსახიობად მიიჩნეოდა.

მაქს ვონ სიდოუ

შვედი მსახიობი, მაქს ვონ სიდოუ, რომელმაც მაყურებლებს თავი არაერთ ფილმსა და სერიალში შესრულებული როლებით დაამახსოვრა თავი, 90 წლის ასაკში გარდაიცვალა.

იენ ჰოლმი

ცნობილი ინგლისელი მსახიობი იენ ჰოლმი 88 წლის ასაკში გარდაიცვალა.

მაყურებლები მას ყველაზე კარგად ბეჭდების მბრძანებლის ტრილოგიაში შესრულებული როლით იცნობდნენ: ის ერთ-ერთ ჰობიტს, ბილბო ბეგინსს ასახიერებს.

ჯეს უოტერსი

ჯეს უოტერსი, რომელიც ბოლო წლების ერთ-ერთი ყველაზე პოპულარული სატელევიზიო შოუ This Is Us-ის შექმნაზე მუშაობდა, 39 წლის ასაკში გარდაიცვალა.

ოლივია დე ჰევილენდი

ქარწაღებულნის უკანასკნელი ცოცხალი მსახიობი ოლივია დე ჰევილენდი 104 წლის ასაკში გარდაიცვალა.

კიმ კი-დუკი

სამხრეთკორეელი რეჟისორი კიმ კი-დუკი COVID-19-ის გამოწვეული გართულებების გამო 59 წლის ასაკში გარდაიცვალა.

პიერ კარდენი

მოდის ფრანგი დიზაინერი, პიერ კარდენი, 98 წლის ასაკში გარდაიცვალა.