რამდენიმე დღის წინ ოსკარის 89-ე ცერემონიალს ბოიკოტი ირანელმა მსახიობმა ტარანე ალიდუსტიმ გამოუცხადა, ამის მიზეზი დონალდ ტრამპის მიერ შვიდი ქვეყნისთვის - ერაყი, სირია, ირანი, ლიბია, სომალი, სუდანისა და იემენისთვის დაწესებული აკრძალვაა, რომლის მიხედვითაც მუსლიმური ქვეყნის მოქალაქეებს ამერიკაში შესვლა 90 დღის განმავლობაში ეკრძალებათ.

ტარანე ალიდუსტი უცხოენოვანი ფილმის კატეგორიაში წარდგენილ ფილმში The Salesman ერთ-ერთ როლს ასრულებს. ცოტა ხნის წინ კი ცნობილი გახდა, რომ ამავე ფილმის რეჟისორმა და სცენარის ავტორმა ასგარ ფარჰადიმ ასევე ბოიკოტი გამოუცხადა ოსკარს და ცერემონიალს არ დაესწრება.

ასგარ ფარჰადი

ასგარ ფარჰადი

ფოტო: Getty images

აღსანიშნავია ისიც, რომ დონალდ ტრამპის გადაწყვეტილების საპასუხოდ ირანი ამერიკის მოქალაქეებს მის ქვეყანაში აღარ შეუშვებს.

ოსკარი 2017 ტელეკომპანია GDS-ზე 26 თებერვალს, ღამის 2 საათზე წითელი ხალიჩიდან დაიწყება, 05:30 -ზე კი ოსკარის რიგით 89-ე დაჯილდოების ცერემონიას შემოგვთავაზებენ.