დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, იმაზე სწრაფი გავრცელება ვერ წარმოუდგენია ახალი შტამის, ვიდრე ეს სამი კვირის წინ იყო.

"იმაზე სწრაფი გავრცელება, რაც ჩვენ გვქონდა დაახლოებით სამი კვირის წინ ვეღარ წამომიდგენია იმ ახალ შტამს, რომ ჰქონდეს. მთავარი იმ ახალ შტამპთანაც რჩება იგივე ეს არის პირბადე და დისტანცია სხვა არაფერი არსებობს მშოფლიოში რომ გავრცელების სისწრაფე შენელდეს, განსაკუთრებულად ნუ შეგვეინდება ახალი შტამის, ისედაც საკმარისი გვაქვს" — იმნაძე.

25 დეკემბრის მონაცემებით, საქართველოში კორონავირუსის 1 881 ახალი შემთხვევა დადასტურდა, გამოჯანმრთელდა —1 515 პირი, გარდაიცვალა — 37 ადამიანი.

საქართველოში კორონავირუსის ზრდა და გავრცელება სამი კვირის წინ ყველაზე მაღალი იყო, რის გამოც მთავრობამ გადაწყვეტილება მიიღო ახალი შეზღუდვების დაწესებაზე, ამ დროისთვის, როგორც ცნობილია ახალი წლის პერიოდშიც დაწესებული შეზღუდვებიდან მხოლოდ სავაჭრო ცენტრები გაიხსნა, ისიც საჭირო წესების დაცვით.

ლაპარაკია კორონავირუსის ახალ შტამზე, რომელიც ამჟამად დიდი ბრიტანეთის ნაწილში ცირკულირებს, კონტროლს არ ექვემდებარება, ამის შესახებ ქვეყნის ჯანდაცვის მინისტრმა, მეტ ჰენკოკმა მას შემდეგ განაცხადა, რაც პრემიერმა ჯონსონმა შობისთვის უფრო მკაცრი შეზღუდები დააანონსა.

დიდი ბრიტანეთის პრემიერმინისტრმა შაბათს განაცხადა, რომ ლონდონი და სამხრეთ-აღმოსავლეთი და აღმოსავლეთ ინგლისის ზოგიერთი ნაწილები გადადიან "მე-4 რიგის" შეზღუდვებზე, რაც ნიშნავს ყველა არასჭირო მაღაზიის დახურვას კვირიდან.

ამ ტერიტორების მაცხოვრებლები უნდა დარჩნენ სახლში და არ ექნებათ შესაძლებლობა, იმოგზაურონ არდადეგების ჟამს. მთავრობის რეკომენდაციით, გადაადგილება მაქსიმალურად უნდა შეიზღუდოს საშობაოდაც.