პარლამენტის რიგგარეშე სესიის პლენარული სხდომაზე, სამთავრობო პროგრამის წარდგენისას, გიორგი გახარიამ ისაუბრა სახელმწიფო ბალანსზე არსებული საწარმოების არაეფექტურობაზე და განაცხადა, რომ ზოგიერთი საწარმო კერძო მფლობელობაში გადავა.

"ჩვენ დღეს ეკონომიკის სამინისტროსა და სხვადასხვა უწყებების ბალანსზე გვაქვს უამრავი სახელმწიფო საწარმო, რომლის ეფქტიანობაც სერიოზულ კითხვის ნიშნებს იწვევს, მაშინ, როდესაც დღეს ვართ ეკონომიკური კრიზისის ფარგლებში, მაშინ, როდესაც ნებისმიერი სახელმწიფოს რესურსი უნდა იყოს პირველ რიგში სამართლიანად და ეფექტიანად გადანაწილებული, ჩვენ ასეთი ფუფუნების შესაძლებლობა არა გვაქვს. იქ, სადაც შევძლებთ ამ სახელმწიფო საწარმოების მართვის ხარისხის გაუმჯობესებას და მათი ეფექტიანობის გაზრდას, რა თქმა უნდა, შეგვიძლია, მათი სახელმწიფო საკუთრების ფორმის არშეცვლა, მაგრამ იქ, სადაც ეს იწვევს სერიოზულ პრობლემებს, ყველას უნდა გვესმოდეს, რომ კერძო საკუთრება ყველაზე ეფექტიანი მმართველობითი ფორმაა. ამიტომ, იქ, სადაც არ არის საუბარი სტრატეგიული მნიშვნელობის ობიექტებზე, ჩვენ აუცილებლად უნდა დავიწყოთ ამაზე საუბარი", — განაცხადა გიორგი გახარიამ.

გიორგი გახარიამ სამთავრობო პროგრამაზე საუბრისას თქვა, რომ მთავრობის ძალისხმევა მიმართული იქნება შემდეგ ოთხ საკვანძო მიმართულებაზე:

  • საგარეო პოლიტიკა, უსაფრთხოება, კონფლიქტის მოგვარება და ადამიანის უფლებები;
  • ეკონომიკური განვითარება;
  • სოციალური პოლიტიკა და ადამიანური კაპიტალის განვითარება;
  • სახელმწიფო მმართველობა.

სახელმწიფო საწარმოების მართვის ეფექტურობა და არა მათი გასხვისება