შრომატევად საყოფაცხოვრებო საქმეებს შორის, რომლებთან გამკლავებაც ყველა ჩვენგანს განსაკუთრებულ თავის ტკივილად ექცევა ხოლმე, ალბათ, დიდი მოცულობის ნივთების გადატანა-გადმოტანის პროცესი ლიდერობს, რომელიც სახლის რემონტის თუ გადაბარგების დროს აუცილებლად იჩენს თავს.

არ აქვს მნიშვნელობა, მისამართი შეიცვალეთ თუ უკვე არსებული საცხოვრებლის განახლება გადაწყვიტეთ, სხვა ყველა წვრილმანი დეტალის გათვალისწინებასთან ერთად უთუოდ მოგიწევთ ერთი მისამართიდან მეორეზე ნივთების გადატანა, მაღაზიაში შეძენილი ახალი ავეჯისა თუ ტექნიკის დაბინავება, სამშენებლო მასალის მომარაგება ან რემონტისას დაგროვილი ნაგვის გატანა.

ერთი შეხედვით ეს უმნიშვნელო დეტალები ხშირად ნამდვილ თავსატეხად იქცევა ხოლმე, განსაკუთრებით მაშინ, როდესაც სხვა მრავალი საკითხის მოგვარებაზეც ხართ პასუხისმგებელი: ჯერ უნდა იპოვოთ შესაფერისი ზომის ავტომობილი, რომლითაც თქვენთვის სასურველი ბარგის გადატანას მოახერხებთ; შემდეგ შეიძლება ტვირთის მოცულობის და/ან სიმძიმის გათვალისწინებით დამხმარეების შოვნაც დაგჭირდეთ, რაც საბოლოოდ, დაუსრულებელ პროცედურად იქცევა — კონკრეტულ ადგილებში ფიზიკურად მისვლა, რათა შესაბამისი ხალხი იპოვოთ, ფასზე ვაჭრობა და ა.შ.

სწორედ ამ გულის გამაწვრილებელი რუტინის სამუდამოდ დასავიწყებლად და მისი ისეთი ალტერნატიული გზით ჩასანაცვლებლად, რომელიც მთელ დავიდარაბას გაცილებით მარტივ, კომფორტულ და მოსახერხებელ თანამშრომლობად აქცევს, შეიქმნა აპლიკაცია Redcap. ეს არის უნიკალური პლატფორმა, რომელიც სახლიდან გაუსვლელად შესაძლებლობას გაძლევთ, ნივთების გადასაზიდად საჭირო ტრანსპორტი და დამხმარე მუშახელი დროისა და ენერგიის მაქსიმალური დაზოგვით იპოვოთ.

აქამდე ეს ყველაფერი იმდენად შეჩვეულ ჭირს ჰგავდა, რომ ვინმეს, შესაძლოა, თავიდან იმის წარმოდგენაც კი გაუჭირდეს, თუ როგორ შეიძლება მსგავსი სერვისის ასე იოლად მიწოდება, თუმცა საილუსტრაციოდ საკმარისია, ტაქსების მაგალითი გავიხსენოთ: თავდაპირველად ტაქსის აპლიკაციით გამოძახებაც ბევრისთვის უცხო ხილი იყო, თუმცა დღეს ის ყველაზე პოპულარული, მოსახერხებელი და სანდო საშუალებაც კია.

სწორედ იმავე პრინციპით მუშაობს რედკეპიც: თქვენს მობილურში ჩამოტვირთავთ აპლიკაციას და ძალიან მოსახერხებელი დიზაინის საშუალებით, ნებისმიერი მსურველი მარტივად გააფორმებს შეკვეთას: უთითებთ სასურველ მისამართებს, ავტომობილის ტიპს, საჭიროების შემთხვევაში დამხმარეების რაოდენობას და სხვა ყველა გასათვალისწინებელ გარემოებას (სართული, ლიფტი და ა.შ.)

სწორედ ამ ყველაფრის გათვალისწინების შემდეგ — მანძილი, ავტომობილის ტიპი, ბარგის მოცულობა, გადატანის სირთულე — აპლიკაცია თავად დაანგარიშებს ღირებულებას. თუმცა, იმისათვის, რომ ყველასთვის კარგად ნაცნობმა პროცესმა ტრადიციული ხიბლი ბოლომდე მაინც არ დაკარგოს, რედკეპი "შევაჭრების" საშუალებასაც გაძლევთ: აპლიკაციაშივე გაქვთ შესაძლებლობა, თქვენთვის უფრო მეტად ხელსაყრელი თანხა შესთავაზოთ მძღოლს და ისე დაითანხმოთ მომსახურებაზე.

იმის გამო, რომ რედკეპი პასუხისმგებლობას იღებს, მომხმარებლებს მაქსიმალურად სანდო და მაღალი ხარისხის სერვისი შესთავაზოს, თქვენ აქამდე არსებული გამოცდილებისგან განსხვავებით ყველაზე ნაკლები რისკის ქვეშ იქნებით, რომ დაქირავებულებმა მიღებული პირობები შეცვალონ, დათქმულ დროს არ შეასრულონ სამუშაო და ა.შ. თან ამ ყველაფერს შეგიძლიათ თვალი აპლიკაციაში მიადევნოთ: მაგალითად, თუ ძველი სახლიდან ახალ ბინაში ავეჯის გადმოტანა გინდათ, მთელ პროცესს დანიშნულების ადგილზე მიღწევამდე აკვირდებით.

რამდენადაც რედკეპი ყველას ცხოვრებაში საოცრად მოსახერხებელი დამხმარე გახდება, რომელიც საზრუნავს და მძიმე ტვირთს პირდაპირი მნიშვნელობით შეგიმსუბუქებთ, იმდენად გასულმა წელმა თვალნათლივ დაგვანახა მსგავსი სერვისის არსებობის აუცილებლობა: ერთია, რომ ადრე ფიზიკურად გვჭირდებოდა საჭირო ხალხის პოვნა, რომელიც გადაზიდვაში დაგვეხმარებოდა, თუმცა ბოლო თვეებში ეს კიდევ უფრო შეუძლებელი აღმოჩნდა — კორონავირუსის პანდემიამ ფიზიკური თანამშრომლობა, რომელიც ხშირად ხალხმრავალ ბაზრობებზე მიმდინარეობდა, მოუხერხებელი და უსაფრთხო გახადა. შესაბამისად, როგორც სხვა სამუშაო თუ საგანმანათლებლო პროცესმა გადაინაცვლა ციფრულ სამყაროში, ანალოგიურად რედკეპიც ამ პირობებშიც კი გაძლევთ შესაძლებლობას, რომ აუცილებელ საქმეებს კვლავაც წარმატებულად გაართვათ თავი.

კომპანიაში ამ არსებულ გამოწვევებს ყველაზე კარგად იაზრებენ და სწორედ ამიტომაც ქართულ ბაზარზე პირველებმა წარადგინეს ეს უნიკალური სერვისი — რედკეპი, რომელიც აწმყოში ამარტივებს ჩვენს ყოველდღიურობას, მომავალში კი კიდევ უფრო გაუმჯობესებულ ხარისხს გვპირდება.

ამაში დასარწმუნებლად კი ახლავე შეგიძლიათ გადმოწეროთ აპლიკაცია თქვენს მობილურში:

• Android

• iOS