პროკურატურამ წინასწარი შეცნობით 16 წელს მიუღწეველთან სქესობრივი კავშირის ბრალდებით, იმერეთის რეგიონში ერთ-ერთი სკოლის ყოფილ მანდატურს საქართველოს სისხლის სამართლის კოდექსის 140-ე მუხლით წარუდგინა ბრალდება.

სამართალდამცველებმა ბრალდებული სასამართლოს განჩინების საფუძველზე დააკავეს. პროკურატურამ მისთვის აღკვეთის ღონისძიების სახით დაპატიმრების გამოყენების მოთხოვნით სასამართლოს უკვე მიმართა.

გამოძიების ვერსიით, მანდატურმა 2016 წლის სექტემბრის დასაწყისში, მეზობელი და იმავე სკოლის მოსწავლე, 15 წლის გოგო სოციალური ქსელის საშუალებით შეხვედრაზე დაითანხმა და დაუსახლებელ ადგილზე, მასთან დაამყარა სქესობრივი კავშირი.

საქმეზე გრძელდება გამოძიება სისხლის სამართლის კოდექსის 140-ე მუხლით, რაც წინასწარი შეცნობით 16 წელს მიუღწეველთან სქესობრივ კავშირს გულისხმობს. დანაშაული სასჯელის სახედ და ზომად თავისუფლების აღკვეთას შვიდიდან - ცხრა წლამდე ვადით ითვალისწინებს.

19 იანვარს, ცნობილი გახდა რომ მანდატურმა 15 წლის მოსწავლესთან სქესობრივი კავშირი დაამყარა. განათლების სამინისტროს ცნობით, მანდატური დეკემბრის თვიდან გათავისუფლებულია სამსახურიდან. On.ge-ს ინფორმაციით, 15 წლის მოზარდი ორსულადაა და 40 წლის კაცი 15 წლის გოგოს ცოლად მოყვანას გეგმავდა.