ჯანდაცვის მინისტრობის მოვალეობის შემსრულებლის, ეკატერინე ტიკარაძის ინფორმაციით, საქართველოში უკვე ჩამოიტანეს რემდესივირი. ტიკარაძე ამბობს, რომ პრეპარატს შესაბამის პაციენტებზე კლინიკური ჯგუფი გადაანაწილებს.

"გუშინ ჩამოფრინდა ის პრეპარატი, რომელსაც ყველა ძალიან ელოდება და დღეს საქართველოში არის უკვე რემდესივირი, რომელიც ბატონი თენგიზ ცერცვაძის ხელმძღვანელობით, კლინიკურ ჯგუფთან ერთად იქნება გადანაწილებული იმ პაციენტებზე, რომლებზეც ჩაითვლება, რომ პრეპარატის გამოყენება იქნება ეფექტური და უსაფრთხო მათი ჯანმრთელობის გაუმჯობესების მიზნით", — განაცხადა ტიკარაძემ.

ტიკარაძემ 8 დეკემბერს განაცხადა, რომ პრეპარატი თვის ბოლომდე იქნებოდა ქვეყანაში.

დაავადებათა კონტროლის ეროვნული ცენტრის დირექტორმა, ამირან გამყრელიძემ 13 ნოემბერს განაცხადა, რომ ეს პრეპარატი ქვეყანაში 2 კვირაში შემოვიდოდა, თუმცა მანამდე ბევრად უფრო ადრე, ჯანდაცვის მინისტრი მოადგილე 5 მაისს ამბობდა, რომ პრეპარატი მაისის ბოლოს იქნებოდა ხელმისაწვდომი.

გაიგეთ მეტი: