"სოლიდარობა აფრიკის დასახლებას”, "სახლი ყველას" — აქტივისტები ბანერების გამოფენისთვის დააჯარიმეს.

როგორც On.ge-ის აქტივისტმა ბექა წიქარიშვილმა უთხრა, 200 ლარიანი ჯარიმა დაუწერეს გიორგი ღვინჯილიას.

აქტივისტები სოლიდარობის ნიშნად, აფრიკის დასახლებაში განვითარებულ მოვლენებს გამოეხმაურნენ და "სოლიდარობა აფრიკის დასახლებას”, "სახლი ყველას" "ხალხი მართალს ამბობს" — ამ წარწერებით 3 ბანერი თბილისის მერიის მოპირდაპირე კორპუსიდან გადმოფინეს. ამის შესახებ facebook-ჩართვის დროს წიქარიშვილმა განაცხადა.

15 დეკემბერს თბილისის მერიამ სამგორის რაიონში, აფრიკის დასახლებაში უკანონო შენობების დემონტაჟი დაიწყო. მათი ინფორმაციით, სახელმწიფოს საკუთრებაში არსებულ მიწის ნაკვეთზე, სამშენებლო სამართალდარღვევის 12 ფაქტი გამოვლინდა. ტერიტორიაზე სპეციალური ტექნიკის შეყვანას მოსახლეობის პროტესტი მოჰყვა, ადგილზე რამდენიმე საათის განმავლობაში მობილიზებული იყო პოლიციაც. იყო პოლიციასა და მოქალაქეებს შორის დაპირისპირების რამდენიმე შემთხვევა. შსს-ს ინფორმაციით, დაკავებულია 8 ადამიანი.

აფრიკის დასახლებაში მიმდინარე პროცესებზე საუბრისას, თბილისის მერმა, კახა კალაძემ განაცხადა, რომ იქ გამოსულ მოსახლეობას აქვს სახლები და მიწები და ისინი მიზანმიმართულად ცდილობენ მიწების დატაცებს.

ამავე თემაზე: