ჯანდაცვის მინისტრის მოადგილის, თამარ გაბუნიას განცხადებით, 24 დეკემბრიდან შეზღუდვების შესახებ გადაწყვეტილებები იმის მიხედვით მიიღება, თუ კორონავირუსის გავრცელების მხრივ რა სურათი იქნება ქვეყანაში. მისი თქმით, ჯერ ერთი კვირა კვლავ უნდა დააკვირდნენ ეპიდსიტუაციას.

"ეს ერთ კვირა არის ჩვენთვის ეპიდემიოლოგიურად განსაკუთრებით მნიშვნელოვანი, რომ დავრწმუნდეთ — ის სტრაბილიზაციის ტენდენცია, რომელიც უკვე არის, შენარჩუნდება. ამდენად, ამის მიხედვით მიიღება შემდეგ გადაწყვეტილებები სხვა დანარჩენ ქმედებასთან დაკავშირებით [...] ანუ ციფრები რასაც გვეტვის, ამის მიხედვით იქნება გადაწყვტილება. დღეს ცოტა ნაადრევია ამაზე საუბარი. დამატებითი კონსულტაციები იქნება იმის მიხედვით, თუ რა ეპიდემიოლოგიური სურათი გამოიქვეთება მომდევნო ერთი კვირის განმავლობაში", — განაცხადა გაბუნიამ.

14 დეკემბრის მონაცემებით, საქართველოში კორონავირუსის 1 337 ახალი შემთხვევა გამოვლინდა და გარდაიცვალა კიდევ 49 ადამიანი. ამასთან, გამოჯანმრთელდა — 3 498 პაციენტი.