ბოლივუდი ახალი კინოპრემიერისთვის ემზადება. 24 მარტს ეკრანზე ერთ-ერთი ყველაზე მასშტაბური კინოპროექტი Machine გამოდის, რომელშიც მთავარ როლებს ინდური კინოს ახალი ვარსკვლავები - კიარა ადვანი და ეშაან შანკარი ასრულებენ.

ფილმი მთლიანად საქართველოშია გადაღებული. გადაღებები 65 დღის მანძილზე მიმდინარეობდა და კადრებში იხილავთ მესტიას, ბათუმს, ბორჯომსა და რუსთავს.

ფილმის მწარმოებელი კომპანია ერთ-ერთი პირველი იყო, რომელმაც ეროვნული კინოცენტრის განსაკუთრებული შეთავაზებით ისარგებლა. Cash Rebate, რომელიც პროგრამა "გადაიღე საქართველოში"-ს ნაწილია, კინოინდუსტრიის წახალისებას ემსახურება. ამ ინიციატივის ფარგლებში კინოწარმოებით დაინტერესებულ ადგილობრივ თუ საერთაშორისო პროდიუსერებს შესაძლებლობა ეძლევათ, ფილმის გადაღებასთან დაკავშირებული ხარჯების 20% უკან დაიბრუნონ.

პროგრამის მიზანია, საქართველო აღმოსავლეთ ევროპაში მიმზიდველ გადასაღებ ცენტრად იქცეს და დიდი კინომწარმოებლების ყურადღება მიიპყროს.