პარტია მოქალაქეების ლიდერი, ალეკო ელისაშვილი ამბობს, რომ ქართული ოცნებისთვის მოლაპარაკებების დროს მიტანილი ოთხი მოთხოვნიდან ერთს, პლებისციტის ჩატარებასთან დაკავშირებით, არ ეთანხმება. ამის შესახებ მან მთავარი არხის ეთერში ისაუბრა.

"პლებისციტი არის "ხლაპუშკა", რომლითაც მივედით და იყო წყალი... მე ვითხოვდი, პროკურატურა ჩაგვეწერა და არც ერთმა ოპოზიციონერმა არ დამიჭირა მხარი, იცი?" — განაცხადა ელისაშვილმა.

მისივე თქმით, ოთხივე საკითხზე, რომელიც ოპოზიციამ მიიტანა, ქართულმა ოცნებამ უკან დაიხია და ევროპული საქართველო მოლაპარაკებების ჩაშლას ცდილობს.

"რაც მოვითხოვეთ, ყველაფერს ვათმობინებთ".

ელისაშვილის შეფასებით, მმართველმა პარტიამ რიგგარეშე არჩევნებთან დაკავშირებითაც დაიხია. რაც შეეხება პოლიტპატიმრების საკითხს, ელისაშვილი ამბობს, რომ ამაზე მმართველ გუნდს საყურადღებო არგუმენტი ჰქონდა.

11 დეკემბერს მეათე მოწვევის პარლამენტის პირველი სხდომის პარალელურად ბარიერგადალახული ოპოზიციური პარტიები, პატრიოტთა ალიანსის გამოკლებით, გეგმავენ ხელი მოაწერონ მემორანდუმს, რომლითაც მანდატებზე უარს იტყვიან.

ორი დღით ადრე პარტია მოქალაქეების ლიდერმა, ალეკო ელისაშვილმა ფეისბუქლაივის დროს განაცხადა, რომ საარჩევნო კანონმდებლობისა და საარჩევნო ადმინისტრაციების რეფორმებზე შეთანხმების შემთხვევაში პარლამენტში შევა.

ამავე თემაზე: