პარტია მოქალაქეების ლიდერი, ალეკო ელისაშვილი ამბობს, რომ მოლაპარაკებების დროს პოლიტპატიმრებთან დაკავშირებით ქართულ ოცნებას საყურადღებო არგუმენტი ჰქონდა. ამის შესახებ მან გადაცემა მთავარ აქცენტებში ისაუბრა.

"[ნიკა გვარამიას] არასაეთეროდ რაღაცებს გეტყვი, სადაც "ოცნების" არგუმენტი იყო საყურადღებო არგუმენტი, უსინდისო ვიყო. 8 მარტის შეთანხმების პოლიტპატიმრებზე "ოცნებას" ჰქონდა არგუმენტი, ვერ ვიტყვი დეტალებს, რომელზეც ყველამ თავი ჩაქინდრა. მე იმის მონაწილე არ ვიყავი, რვა მარტის [შეთანხმების] და ოპოზიციამ თავი ჩაქინდრა, რადგან ოპოზიციამ ბევრ საკითხში პოლიტპატიმრებთან დაკავშირებით სიტყვა გატეხა", — აღნიშნა ელისაშვილმა.

ამასთან, იგი ამბობს, რომ პოლიტპატიმრების გამოშვების გარეშე პარლამენტში შესვლას არ აპირებს.

როგორც ელისაშვილი ამბობს, მოლაპარაკებებზე ისინი ოთხი საკითხით მივიდნენ, მათ შორის არის რიგგარეშე არჩევნების დანიშვნა, საარჩევნო რეფორმის გატარება და პოლიტპატიმრების გათავისუფლება. ელისაშვილის თქმით, ერთ-ერთ პუნქტს, პლებისციტის ჩატარებასთან დაკავშირებით არ ეთანხმება და მას "ხლაპუშკას" უწოდებს. როგორც იგი განმარტავს, მმართველმა გუნდმა ოთხივე საკითხზე უკან დაიხია.

დღეს, 9 ოქტომბერს პარტია მოქალაქეების ლიდერმა, ალეკო ელისაშვილმა ფეისბუქლაივის დროს განაცხადა, რომ საარჩევნო კანონმდებლობისა და საარჩევნო ადმინისტრაციების რეფორმებზე შეთანხმების შემთხვევაში პარლამენტში შევა.

ამავე თემაზე: