ჯანდაცვის მინისტრის, ეკატერინე ტიკარაძის განცხადებით, პრეპარატი რემდესივირი ქვეყანაში თვის ბოლომდე იქნება. ამის შესახებ მან საკოორდინაციო საბჭოს წევრების ბრიფინგზე ისაუბრა.

"თვის ბოლომდე იქნება ადგილზე და ჩვენს მოქალაქეებს ექნებათ რემდისივირზე ხელმისაწვდომი მკურნალობა. აქაც არის მნიშვნელოვანი პროცედურები გასავლელი, რომელსაც ჩვენ ვერ დავარღვევთ. შესაბამისად, მივყვებით მსოფლიო ჯანდაცვის ორგანიზაციის პროტოკოლს, რის მიხედვითაც ხდება კონტრაქტების გაფორმება და ტრანსპორტირება. ეს არის კლინიკუირ ჯგუფის გადასაწყვეტი თემა, რომელსაც შეაქვს პროტოკოლში, როდის, რა ფაზაში და რომელ პაციენტზე ხდება პრეპარატის გაკეთება", — განაცხადა მან.

დაავადებათა კონტროლის ეროვნული ცენტრის დირექტორმა, ამირან გამყრელიძემ 13 ნოემბერს განაცხადა, რომ ეს პრეპარატი ქვეყანაში 2 კვირაში შემოვიდოდა, თუმცა მანამდე, ჯანდაცვის მინისტრი მოადგილე ბევრად უფრო ადრე, 5 მაისს ამბობდა, რომ პრეპარატი მაისის ბოლოს იქნებოდა ხელმისაწვდომი.