აშშ-ს პრეზიდენტის დონალდ ტრამპის პირად ადვოკატსა და ნიურ-იორკის ყოფილ მერს, რუდი ჯულიანის კორონავირუსი დაუდასტურდა. ის ახლა კლინიკაში იმყოფება.

რუდი ჯულიანი არჩევნების გასაჩივრების ტრამპის კამპანიას ედგა სათავეში. ის ერთ-ერთია პრეზიდენტის ახლო გარემოცვიდან, რომელსაც კორონავირუსი დაუდასტურდა. თვითონ დონალდ ტრამპმა და მისმა ცოლმა, მელანია ტრამპმა კორონავირუსი ოქტომბერში გადაიტანეს.

ადგილობრივი მედიის ინფორმაციით, 76 წლის ჯულიანი ჯორჯტაუნის უნივერსიტეტის კლინიკაში კვირას, 6 დეკემბერს გადაიყვანეს. როგორც მან ტვიტერზე დაწერა, თავს კარგად გრძნობს.

რუდი ჯულიანის და ზოგადად ტრამპის გარემოცვას ხშირად აკრიტიკებდნენ იმის გამო, რომ ისინი თავშეყრის ადგილებში პირბადის გარეშე ჩნდებიან და კორონავირუსთან დაკვაშირებულ პრევენციულ ღონისძიებებს არ იცავენ.