ტერორისტული ორგანიზაცია ISIS მარკ ცუკერბერგსა და მის კოლეგას, სოციალური ქსელი Twitter-ის დამაარსებელ ჯეკ დორსის ემუქრება.

მესიჯ აპლიკაცია Telegram Messenger-ში ტრიალებს ვიდეო, რომელშიც მარკ ცუკერბერგისა და ჯეკ დორსის ფოტოებზე ნატყვიარებია გამოსახული. სურათს თან სდევს ტექსტიც, "თქვენ ყოველდღე აცხადებთ რომ ჩვენს ანგარიშებს ხურავთ და წარმატებით გვებრძვით. ყოველი ერთი წაშლილი პროფილის საპასუხოდ ჩვენ ათს გავტეხავთ, ვიდრე მთლიანად არ გავაქრობთ თქვენს საიტებს."

Facebook-ისა და Twitter-ის მიერ ტერორისტული ორგანიზაციის ანგარიშების მასობრივი წაშლის შედეგად, ISIS-თან დაკავშირებულმა პირებმა Telegram Messenger-ში გადაინაცვლეს. თუმცა ამ აპლიკაციის მწარმოებელმა კომპანიამაც განაცხადა, რომ აღმოჩენის შემთხვევაში ტერორისტების არხები და ანგარიშები მათი სისტემიდან იშლება.

თებერვლის დასაწყისში ტვიტერმა გამოაცხადა, რომ 2015 წლის ზაფხულიდან, ამა წლის იანვირს ჩათვლით, ISIS-სთან დაკავშირებული და ტერორისტული პროპაგანდისთვის გამოყენებული 125 000 ანგარიში წაშალა.