პარტია ლელოს ერთ-ერთმა ლიდერმა, მამუკა ხაზარაძემ განაცხადა, რომ ფასილიტატორებთან მათ მიიტანეს შეჯერებული წინადადებათა პაკეტი, სადაც ძირითადი კომპონენტი, რიგგარეშე არჩევნები არ შეცვლილა, თუმცა ამ პაკეტში სხვა უამრავი საკითხია.

"როგორც გუშინ განვაცხადე, დადგა დრო, რომ ეს მოლაპარაკებები გავასაჯაროვოთ და ამომრჩეველმა იცოდეს რაზეა საუბარი. დღეს ჩვენ მოვიტანეთ შეჯერებული წინადადებათა პაკეტი, რომელიც გადავეცით. ძირითადი კომპონენტი არ შეცვლილა, ეს არის რიგგარეშე არჩევნები, მაგრამ უამრავი სხვა საკითხია ამ პაკეტში. ჩვენმა ფასილიტატორებმა, ელჩებმა გვთხოვეს, რომ მიგვეცა დრო, კიდევ ერთი-ორი დღე, სანამ ჩვენ მივიღებთ ქართული ოცნებიდან, ასევე, ჩამოყალიბებულ წინადადებას და ამის მერე იმედია, რომ მოხდება მესამე რაუნდი, სადაც პოზიციები შეჯერდება, ან არ შეჯერდება", — განაცხადა ხაზარაძემ.