Nokia-ს ოფიციალურ საიტზე გავრცელებული ინფორმაციის მიხედვით, ბრენდი სმარტფონებისა და ტაბლეტების ბაზარზე ბრუნდება.

როგორც განცხადებაშია ნათქვამი, Nokia Technologies-სა და სმარტფონების მწარმოებელ ახალ ფინურ კომპანია HMD-ს შორის შედგა შეთანხმება, რომლის საფუძველზეც, მომავალი ათი წლის განმავლობაში, კომპანია Nokia-ს ბრენდის ქვეშ სმარტფონებს, ტაბლეტებსა და მობილურ ტელეფონებს გამოუშვებს.

HMD-მ შეთანხმებას მაიკროსოფტთანაც მიაღწია და ამიერიდან მხოლოდ ეს კომპანია იქნება ნოკიას ბრენდის მფლობელი გლობალურ ბაზარზე.

მომავალი სამი წლის მანძილზე, HMD მარკეტინგსა და წარმოებაში $500 მილიონიანი ინვესტიციის ჩადებას გეგმავს.

ახალი სმარტფონები და ტაბლეტები ანდროიდის სისტემაზე იქნება დაფუძნებული.