ლეიბორისტების პარტიის ლიდერის შალვა ნათელაშვილის თქმით, არჩევნებიში მას მოქლაქეების მხრიდან 7% აქვს მიღებული.

"მე პირობას ვაძლევ ბიძინა ივანიშვილს და საარჩევნო კომისიის ყველა თავმჯდომარეს, ყველა დაჯდებით საბრალდებო სკამზე. ამ 1%-ის გამო, ყველას აგაკრავთ შუბლზე განაჩენებს ძალიან მალე. რომ მოვკვდები, იმის მერეც კაი ხანი მექნება 7%. არჩევნებზე დაახლოებით რამდენი ავიღეთ... 7%-ზე ნაკლები რომ არ იყო, ვიცით", — განაცხადა ნათელაშვილმა.

ოპოზიციური პარტიები 31 ოქტომბერს ჩატარებული საპარლამენტო არჩევნების შედეგებს არ აღიარებენ და არაერთ დარღვევაზე საუბრობენ, მათ შორის ე.წ. კარუსელებზე, ამომრჩევლის მიმართ ზეწოლასა და ადმინისტრაციული რესურსის გამოყენებაზე.

ბარიერგადალხული რვავე ოპოზიციური პარტია — ნაციონალური მოძრაობა, ევროპული საქართველო, მოქალაქეები, ლელო, გირჩი, სტრატეგია აღმაშენებელი, ლეიბორისტული პარტია და პატრიოტთა ალიანსი — უარს ამბობენ პარლამენტში შესვლაზე. ისინი ცენტრალური საარჩევნო კომისიის ადმინისტრაციის, მათ შორის თავმჯდომარის ცვლილებასა და რიგგარეშე არჩევნების ჩატარებას მოითხოვენ.

ოპოზიციის ბოიკოტს არ იზიარებს მმართველი პარტია ქართული ოცნება. ისინი აცხადებენ, რომ არჩევნები დემოკრატიულად და სერიოზული დარღვევების გარეშე ჩატარდა.