ქართული ოცნების აღმასრულებელი მდივნის, ირაკლი კობახიძის განცხადებით, ცენტრალური საარჩევნო კომისიის თავმჯდომარის, თამარ ჟვანიას თანამდებობა პოლიტიკური შეთანხმების საგანი ვერ გახდება, თუმცა იგი არ გამორიცხავს საარჩევნო ადმინისტრაციის კუთხით რეფორმებზე საუბარს.

"თამარ ჟვანია არის ცესკოს თავმჯდომარე, ის არ არის პოლიტიკური თანამდებობის პირი. არაპოლიტიკური თანამდებობის პირის თანამდებობა ვერ გახდება პოლიტიკუირ შეთანხმების საგანი, მაგრამ რაც შეეხება საარჩევნო კუთხით რეფორმას, რომელიც შეიძლება, მათ შორის, უკავშირდებოდეს საარჩევნო ადმინისტრაციას, ამაზე რა თქმა უნდა, შესაძლებელია საუბარი და შეთანხმების მიღწევა. ყველა საკითხზე ვართ მზად საუბრისთვის", — განაცხადა კობახიძემ პალიტრანიუსის ეთერში.

საქართველოს საპარლამენტო არჩევნები 31 ოქტომბერს ჩატარდა. ოპოზიციამ შედეგები ლეგიტიმურად არ სცნო, საკუთარ მანდატებზე უარი თქვა და 21 ნოემბერს გამართულ მეორე ტურში მონაწილეობა არ მიიღო. მათ მმართველ პარტიას სამი ძირითადი მოთხოვნა წამოუწყენეს, კერძოდ, ახალი არჩევნები, პოლიტპატიმრების გათავისუფლება და ცესკოს თავმჯდომარის, თამარ ჟვანიას თანამდებობიდან გადაყენება. ამასთან დაკავშირებით რამდენჯერმე აქციაც მოაწყვეს. მათ შორის 8 ნოემბერს ცესკოს ცენტრალურ შენობასთან, რომელიც პოლიციამ წყლის ჭავლის გამოყენებით დაშალა.