ჯანდაცვის მინისტრმა, ეკატერინე ტიკარაძემ განაცხადა, რომ მაქსიმალურად ეცდებიან მოქალაქეებმა თავისუფლად და შესაფერისად აღნიშნონ ახალი წელი. აღნიშნული ტიკარაძემ საკოორდინაციო საბჭოს დასრულების შემდეგ გამართულ ბრიფინგზე განაცხადა.

"გამომდინარე იქიდან, რომ ჩვენ, ერთი მხრივ, ვითვალისწინებთ იმ ზიანს, რაც შეიძლება მიადგეს ადამიანის ჯანმრთელობას კოვიდინფექციის მასშტაბური გავრცელების შედეგად, ასევე, ჩვენ ვითვალისწინებთ ჩვენი მოქალაქეების ფსიქოლოგიურ მდგომარეობასაც, როდესაც ყველა ველოდებით ახალ წელს და შობას. ასევე, რა თქმა უნდა, ვითვალისწინებთ ბიზნესის აქტიურ ფაზას, რომელიც არის დეკემბერში. ჩვენი მიზანი არ არის, რომ მოხდებს ისეთი შეზღუდვები და იმ ვადით შეზღუდვები რომ ყველა ეს კომპონენტი მოჰყვეს ზარალში. აქედან გამომდინარე, რა თქმა უნდა, ჩვენ დავაკვირდებით პროცესს იმ პერიოდის შემდეგ, რაც ჩვენ დავაწესებთ შეზღუდვებს და მაქსიმალურად ვეცდებით, რომ ჩვენმა მოქალაქეებმა შეძლონ თავისუფლად და შესაფერისად აღნიშნონ ახალი წელი", — თქვა ჯანდაცვის მინისტრმა.

მისივე თქმით, ის თუ რა ტიპის და რა ვადის შეზღუდვები დაწესება დამატებით, ხვალ, 26 ნოემბერს გახდება ცნობილი.