აშშ-ს არჩეულმა პრეზიდენტმა, ჯო ბაიდენმა გარდამავალ პერიოდში თავისი მომავალი ოფისის ჩამოყალიბება უკვე დაიწყო და საზოგადოებას საგარეო პოლიტიკისა და უსაფრთხოების საკითხებში თავისი გუნდი წარუდგინა.

ერთ-ერთი ყველაზე მნიშვნელოვან თანამდებობას — სახელმწიფო მდივნის პოსტს ენტონი ბლინკენი დაიკავებს, რომელიც ბარაკ ობამას პრეზიდენტობის დროს სახელმწიფო მდივნის მოადგილედ მუშაობდა. გარდა ამისა, ის ბაიდენის მრჩეველიც იყო. აღნიშნულ პოსტზე მის წარდგენასთან დაკავშირებით ამერიკულ მედიაში დიდი ხანი საუბრობდნენ.

ყოფილი სახელმწიფო მდივანი, ჯონ კერი კლიმატის საკითხებში პრეზიდენტის სპეციალური წარმომადგენელი იქნება. ჯონ კერი პარიზის კლიმატის შეთანხმების მომხრეა.

ეროვნული უსაფრთხოების საკითხებში პრეზიდენტის მრჩეველი ჯეიკ სალივანი იქნება, ხოლო გაეროში აშშ-ს მომავალ ელჩად ლინდა თომას-გრინფილდი დასახელდა.

გარდა ამისა, ეროვნული უსაფრთხოების მდივნად ბაიდენმა ალეხანდრო მაიორკასი წარადგინა, რომელიც ამ თანამდებობაზე პირველი ლათინო-ამერიკელი იქნება. ევრილ ჰეინსი, რომელიც CIA-ს დირექტორის პირველი ქალი მოადგილე იყო, დაზვერვის სამსახურის ხელმძღვანელის პოსტზე დასახელდა.