ერთიანი ნაციონალური მოძრაობის წევრმა, სამირა ისმაილოვამ, რომელიც ამავე პარტიის ბოლნისის მაჟორიტარი დეპუტატობის კანდიდატი იყო 2016 წლის არჩევნებში, პარტიის მე-7 ყრილობაზე სიტყვით გამოსვლისას თქვა, რომ მას ეამაყება ამ პარტიის წევრობა:

"ახალგაზრდა პოლიტიკოს ქალს, ეთნიკურად აზერბაიჯანელს ნდობა გამომიცხადეს და დავრწმუნდი, რომ თავისუფალ პარტიაში ვარ. მეამაყება, რომ ენმ-ის წარმომადგენელი ვარ. ამ არჩევნებში ჩვენ დავამსხვრიეთ მითი, რომ ეროვნული უმცირესობები სახელისუფლებო გუნდს აძლევენ ხმას. ჩემთვის საქართველო იმ საქმეების გაგრძელებაა, რაც ერთიანმა ნაციონალურმა მოძრაობამ დაიწყო. მე ვდგავარ ენმ-სთან და ვაგრძელებ ბრძოლას ივანიშვილის წინააღმდეგ".

ნაციონალური მოძრაობის მე-7 ყრილობა დღეს, თბილისის სპორტის სასახლეში იმართება.