ნაციონალური მოძრაობის ყრილობაზე, რომელიც ამ წუთებში მიმდინარეობს, პარტიის ერთ-ერთი ლიდერი თინა ბოკუჩავა ინიციატივით გამოვიდა, რომლის მიხედვითაც მომავალში, პარტიული სიის ათეულში ყოველთვის იყოს მინიმუმ 3 ქალი:

"დღეს თქვენი გადაწყვეტილებით შევიკრიბეთ, გვაქვს ინიციატივა, რომ პარტიული სიის ათეულში ენმ-მ ყოველთვის წარადგინოს მინიმუმ 3 ქალი. ამ ინიციატივით ვუღებთ კარს მებრძოლ ქალებს, რომლებიც ჩვენი ქვეყნის და შვილების მომავალს სწორედ ამ მოძრაობაში ხედავენ, ჩვენ ამით ვაძლიერებთ ენმს ქალთა ორგანიზაციას და მის წევრებს. გამარჯვებისთვის ჩვენ გვჭირდება მეტი ქალი პოლიტიკაში, ამიტომ გთხოვთ ამ ცვლილების გათვალისწინებით კენჭი ვუყაროთ ენმს წესდებას".

წესდებას და ინიციატივას, რომელიც ენმს თქმით დებიუროკრატიზაციას გულისხმობს, დელეგატებმა მხარი დაუჭირეს.