ნაციონალური მოძრაობის წევრი ნინო კალანდაძე პარტიის მე-7 ყრილობაზე, რომელიც დღეს გაიმართება, აცხადებს, რომ ამ ტიპის ყრილობა პირველად გაიმართება:

"დღეს მიიღება გადაწყვეტილებები პარტიის მომავლის შესახებ, პარტიის მომავალი სტრატეგიისა და სამოქმედო გეგმის შესახებ. არჩეული იქნება ახალი პოლიტიკური საბჭო, მას ეყოლება ახალი თავჯდომარე და ყრილობაში მონაწილეობას მიიღებს 7 136 დელეგატი".

ნინო კალანდაძის თქმით, პოლიტ. საბჭო ახალი წესით დაკომპლექტდება. ის ასევე უარყოფს გავრცელებულ ხმებს ენმ-ში ყოფილი დაპირისპირების შესახებ:

"არანაირ დაპირისპირებას ადგილი არ ჰქონია. 30 ნოემბრის შემდეგ, ასე ერთსულოვნად დიდი ხანია არ გვიმუშავია".

ერთიანი ნაციონალური მოძრაობის ყრილობა დღეს 2 საათზე სპორტის სასახლეში გაიმართება.