შინაგან საქმეთა მინისტრის პირველი მოადგილის, კახა საბანაძის განცხადებით, პოლიცია საარჩევნო პროცესების ძალადობრივი სქემით წარმართვის შესაძლებლობას არ დაუშვებს და მკაცრ რეაგირებას მოახდენს ყველა სამართალდარღვევაზე.

"ხაზგასმით აღვნიშნავთ, რომ პოლიცია არ დაუშვებს საარჩევნო პროცესების ძალადობრივი სქემით წარმართვის შესაძლებლობას, მოახდენს მკაცრ რეაგირებას ყველა სამართალდარღვევაზე და მაქსიმალურად დაიცავს მოქალაქის კონსტიტუციით მიკუთვნებულ გარანტირებულ უფლებას იყოს სახელმწიფო ხელისუფლების წყარო და პოლიტიკური არჩევანი გააკეთოს მშვიდ და უსაფრთხო გარემოში", — განაცხადა საბანაძემ.

მინისტრის მოადგილემ, ასევე, განაცხადა, რომ საარჩევნო უბნებზე სირცხვლის დერეფნების მოწყობა სიტყვისა და გამოხატვის თავისუფლების ფარგლებს სცდება და შეიცავს სისხლის სმართლის კოდექსით გათვალიწინებული დანაშაულის ნიშნებს. კახა საბანაძის თქმით, იმ შემთხვევაში, თუ რომელიმე პოლიტიკური ჯგუფი ამას გააკეთებს, პოლიციას შესაბამისი რეაგირება ექნება.