ევროპარლამენტში სამხრეთ კავკასიასთან ურთიერთობების დელეგაციის თავმჯდომარე, მარინა კალჯურანდი წერს, რომ ოპოზიციური პარტიები პარლამენტში უნდა შევიდნენ და მანდატები მიზანმიმართულად გამოიყენონ.

"ჩემდა სამწუხაროდ, ზოგიერთ ოპოზიციურ პარტიას, რომლებიც იმედგაცრუებულები არიან პირველი ტურის შედეგებით, არ სურს მეორე ტურში მონაწილეობა. მე მჯერა, რომ ეს მიზანმიმართული მცდელობა დემოკრატიისთვის აუცილებელი ინსტიტუტის ფუნქციონირების შეფერხებაა, რაც სამწუხაროა. მე მოვუწოდებ ყველა პოლიტიკურ პარტიას და კანდიდატს, მიიღონ მონაწილეობას არჩევნების მეორე ტურში და გამოიყენონ თავიანთი მანდატები პარლამენტში, რათა პატივი სცენ საქართველოს მოქალაქეების დემოკრატიულად გამოხატულ ნებას", — ნათქვამია განცხადებაში.


საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.