ეუთოს საპარლამენტო ასამბლეის პოლიტიკური უსაფრთხოების თავმჯდომარე და ეუთოს ლიდერები ქვეყანაში ოპოზიციის მიერ განმეორებითი არჩევნების მოთხოვნას გამოეხმაურნენ. ლიდერების აზრით, უნდა გადაილახოს პოლიტიკური ჩიხი, რათა უზრუნველყოფილი იყოს ამომრჩეველთა ნების პატივისცემა.

"2012 წლის არჩევნების შემდეგ ამომრჩეველთა ყველაზე მაღალი მაჩვენებელი იყო, რაც დასტურია ამ არჩევნების მნიშვნელობისა და დემოკრატიის მტკიცე ვალდებულებისა", — განაცხადა ეუთოს მოკლევადიანი საარჩევნო კომისიის კოორდინატორმა, ელონა გიებრეეა ჰოქსამ.

ჰოქსამ, ასევე, განაცხადა, რომ მნიშვნელოვანია, საჩივრების განხილვის პროცესის უზრუნველყოფა. განხილვის შემდეგ კი ყველა ოპოზიციურმა ძალამ უნდა მიიღოს მანდატი და შევიდეს პარლამენტში.

"მიუხედავდ იმისა, რომ არ მდგომარეობიდან გამოსვლა რთული ამოცანაა, საქართველოს დემოკრატიისთვის მნიშვნელოვანია, რომ დადებითი შედეგი მოჰყვეს", — განაცხადა აშშ-ს კონგრესმენმა რიჩარდ ჰადსონმა.

ჰადსონის თქმით, საქართველოს შეუძლია, პარტნიორების იმედი იქონიოს მაშინაც კი, თუ საბოლოოდ თავად ქართველებს ევალებათ საკითხის გადაჭრა, პოლიტიკური კრიზისის დასრულება და საარჩევნო პროცესისადმი ნდობის აღდგენა.

საქართველოში საპარლამენტო არჩევნები 31 ოქტომბერს ჩატარდა. მიუხედავად იმისა, რომ ბარიერი 8 ოპოზიციურმა პარტიამ გადალახა, ისინი შედეგებს არ ეთანხმებიან, გაყალბებულად მიიჩნევენ და რიგგარეშე არჩევნებს ცესკოს ახალი თავმჯდომარის პირობებში მოითხოვენ. თავიანთი პროტესტის გამოსახატად ოპოზიცია პარლამენტის წინ იკრიბება და აქცის მართავს.

ხვალ ოპოზიციის მიერ დაანონსებული კიდევ ერთი აქციაა დაგეგმილი, რომელსაც მდუმარეს უწოდებენ. როგორც ოპოზიციის ლიდერებმა აღნიშნეს, აქციაზე იქნება საქართველოსა და ამერიკის დროშა, ასევე, ბანერები, რომლითაც საქართველოში ჩამოსულ აშშ-ს სახელმწიფო მდივანს, მაიკ პომპეოს აცნობებენ, რომ არჩევნები გაყალბდა.

მაიკ პომპეო საქართველოში 17 ნოემბერს ჩამოფრინდა. ვიზიტის ფარგლებში შეხვედრები დაგეგმილი აქვს პრეზიდენტთან, პრემიერმინისტრთან, აკთოლიკოს-პატრიარქთან და არასამთავრობო ორგანიზაციებთან. პომპეოს დღის განრიგში ოპოზიციასთან შეხვედრა არ არის.