"რატომ აძლევს ბრიტანეთის საელჩო თავს უფლებას ამ სითავხედის", — ამის შესახებ ოცნების დეპუტატმა, ირაკლი ზარქუამ საქართველოში ბრიტანეთის საელჩოს მიერ გავრცელებულ განცხადებაზე კომენტირებისას თქვა.

"რატომ აძლევს ბრიტანეთის საელჩო თავს უფლებას ამ სითავხედის? მე ვერ გავიგე. პირველი, არსად, არცერთ ფორმატში, რაც აქამდე ჩატარებულა ადგილობრივი არჩევნები, ეუთო/ოდირი არ ყოფილა მოწვეული. ეს ერთი და ეს პრაქტიკა არის ასე, ჩვენთანაც და სხვაგანაც. მეორე, ჩვენ ვის მოვიწვევთ და ვის არა, ეს ჩვენი გადასაწყვეტია და ამასთან დაკავშირებით რამდენიმე თვით ადრე გაიგებთ.

[...] ბრიტანეთის საელჩო და მისი ელჩი, რომელიც თურმე მედია მონიტორინგს, მედია მონიტორინგის ხასიათით აფინანსებდა ვის? რადიკალებს. აფინანსებდა ნაცმოძრაობის 5 ნომერს, რაღაც ორგანიზაცია ჰქონია, აფინანსებდა საიას, იურისტთა ასოციაცია, რომელიც არალეგიტიმურს გვეძახის და მიტინგზე იდგა, რომ დავამხოთ ეს ხელისუფლებაო რამდენიმე თვის წინ, აფინანსებს ოპოზიციური ლიდერების ორგანიზაციებს და დასკვნა რა უნდა დადონ ამათმა? რა უნდა დადონ ამათმა, რომლებიც დღემდე გვეძახიან არალეგიტიმურს და რაღაც გაუგებარ სიტყვებს", — განაცხადა ოცნების დეპუტატმა, ირაკლი ზარქუამ (ციტატას ტაბულა ავრცელებს).

დღეს საქართველოში ბრიტანეთის საელჩომ განცხადება გავრცელა სადაც "ოცნების" ხელისუფლებას მოუწოდებს, რომ "მოიწვიოს ეუთო/ოდირის მისია ოქტომბრის მუნიციპალური არჩევნების დასაკვირვებლად და გაითვალისწინოს 2024 წლის საპარლამენტო არჩევნებთან დაკავშირებით ოდირის საბოლოო ანგარიშში გაცემული ყველა რეკომენდაცია".